- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
- وزیر خزانہ محمد اورنگزیب کی چینی ہم منصب سے ملاقات، سی پیک کے دوسرے مرحلے کیلیے عزم کا اظہار
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
دہلی بس اجتماعی زیادتی کیس ؛ چاروں ملزمان کو پھانسی دیدی گئی
نئی دہلی: بھارت میں 2012 میں دہلی بس گینگ میں 23 سالہ نربھیا کو اجتماعی زیادتی کا نشانہ بنانے والے چار ملزمان کو پھانسی دیدی گئی۔
بھارتی میڈیا کے مطابق مشہور زمانہ دہلی بس نربھیا اجتماعی زیادتی کیس میں ملوث 32 سالہ مکیش سنگھ، 25 سالہ پون گپتا، 26 سالہ ونے شرما اور 31 سالہ اکشے کمار سنگھ کو تہاڑ جیل میں پھانسی دیدی گئی۔ تہاڑ جیل میں پہلی بار ایک ساتھ 4 ملزمان کو پھانسی دیدی گئی۔
چاروں ملزمان کو عدالت نے 2013 میں پھانسی کی سزا سنائی تھی تاہم اس پر عمل درآمد کو متعدد بار ملزمان کے وکلا کی جانب سے آئینی درخواستیں دائر کرنے کے سبب آخری موقع پر روک دیا گیا تھا اور بالآخر آج چاروں ملزمان کو سولی پر لٹکا دیا گیا۔
اس کیس میں پولیس نے 6 ملزمان کو گرفتار کیا تھا جن میں سے ایک ملزم 17 سالہ افروز کو جرم کے وقت نابالغ ہونے کی وجہ سے بچوں کی اصلاحی جیل میں رکھا گیا جہاں 3 سال تک اس کی تربیت کی گئی جب کہ ایک ملزم 31 سالہ رام سنگھ نے جیل میں خود کشی کرلی تھی۔
ملزمان کی پھانسی کے موقع پر ہاتھوں میں بھارتی پرچم اور پلے کارڈز اُٹھائے جیل کے باہر موجود سیکڑوں افراد نے انصاف کی جیت پر جشن منایا۔ نربھیا کی والدہ آشا دیوی نے میڈیا سے گفتگو میں پھانسی پر عمل درآمد ہونے پر خوشی کا اظہار کیا۔
نربھیا اجتماعی زیادتی کے واقعے کے بعد بھارت میں شدید احتجاج کیا گیا اور سڑکوں پر مظاہرے کیے گئے جس سے یہ کیس عالمی توجہ حاصل کرنے میں کامیاب ہوگیا تھا جب کہ اس کیس سے یہ بات بھی ثابت ہوئی کہ ہندوستان میں گائے تو محفوظ ہیں لیکن خواتین نہیں اور یہ کہ ہندوستان ریپستان بن چکا ہے۔
یاد رہے کہ 2012 میں نربھیا اپنے دوست کے ہمراہ مسافر بس میں بیٹھی جہاں 6 ملزمان نے دوست کو تشدد کر کے بے ہوش کیا اور نربھیا کو بھی اجتماعی زیادتی کے بعد بہیمانہ تشدد کرکے نیم مردہ حالت میں پھینک دیا تھا۔ نربھیا دوران علاج دم توڑ گئی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔