- مسجد اقصی میں دنبے کی قربانی کی کوشش پر 13 یہودی گرفتار
- پنجاب کا ضمنی الیکشن طے شدہ تھا جس میں ڈبے پہلے سے بھرے ہوئے تھے، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
- اختلافی تحاریر میں اصلاح اور تجاویز بھی دیجیے
- عوام کو قومی اسمبلی میں پٹیشن دائر کرنیکی اجازت، پیپلز پارٹی بل لانے کیلیے تیار
- ریٹائرڈ کھلاڑیوں کو واپس کیوں لایا گیا؟ جواب آپکے سامنے ہے! سلمان بٹ کا طنز
- آئی ایم ایف کے وزیراعظم آفس افسروں کو 4 اضافی تنخواہوں، 24 ارب کی ضمنی گرانٹ پر اعتراضات
- وقت بدل رہا ہے۔۔۔ آپ بھی بدل جائیے!
لوگ گھروں میں محصور، وائرس سے نجات کیلیے اذانیں
لاہور / راولپنڈی / اسلام آباد / کراچی / کوئٹہ: پنجاب بھر کے مختلف شہروں میںلا ک ڈاؤن جاری، لوگ گھروں میں محصور ہو کررہ گئے، لاہور، راولپنڈی، اسلام آباد، ملتان، رحیم یار خان اور دیگر شہروں میں پولیس کے ناکے،آرمی اور رینجرز کے دستے بھی گشت کرتے رہے، تمام موٹر ویز کو ٹریفک کے لئے بند کر دیا گیا،دفعہ 144کی خلاف ورزی پر مختلف شہروں میں سینکڑوں گرفتار ہوئے،سندھ بلوچستان کا بارڈر بھی سیل کر دیا گیا۔لاہورسمیت پنجاب بھر میں لاک ڈا ؤن جاری ہے، پولیس نے بھی ناکے لگائے رکھے جبکہ آرمی اور رینجرز کے دستے بھی گشت کرتے رہے۔
تمام بڑے شاپنگ مال، ریسٹورنٹس، مارکیٹیں اور بازار بند تھے اور مختلف مقامات پر پولیس نے ناکے لگا کر ٹریفک اور شہریوں کی آمد ورفت کو محدود کئے رکھا۔ سبزی، پھل، دودھ دہی کی دکانیں، میڈیکل سٹور، بیکریاں ،گوشت اور کریانہ کی دکانیں کھلی رہیں ۔ علاوہ ازیں راولپنڈی میں تیسرے دن مکمل لاک ڈاؤن رہا،فوجی دستے بھی پولیس اور انتظامیہ کی مدد کے لئے اہم چوراہوں،اہم مقامات اور صدر کے بازاروں میں تعینات کر دیئے گئے ۔مختلف علاقوں میں آٹا اور چینی کی قیمتوں میں اضافہ اور سپلائی میں کمی کی شکایات بھی ہیں۔ راولپنڈی بھر میں رات کو بے وقتی اذانوں میں بھی اضافہ ہو گیا ،لاہور میں بھی گھروں کی چھتوں اور مساجد سے خصوصی اذانیں دی گئیں اور کرونا وائرس کے خاتمے کے لئے دعائیں مانگیں گئیں۔ دریں اثنا موٹر وے پولیس نے تمام موٹر ویز کو ٹریفک کے لئے بند کر دیا ہے۔
ترجمان کے مطابق ہر قسم کی مسافر بردار گاڑیوں کا داخلہ مکمل بند ہے تاہم مال بردار گاڑیوں ، تیل کی ترسیل والی گاڑیوں اور ضروری اشیاء خوردونوش والی گاڑیوں کو داخلہ کی اجازت دی گئی ہے۔علاوہ ازیں ملتان اور رحیم یار خان میں تمام مارکیٹیں اور شاپنگ پلازے بند رہے ،پولیس نے کریک ڈاؤن کرکے سینکڑوں شہریوں پرمقدمات درج کرکے تھانوں میں بند کردیا۔ رحیم یار خان میں بھی دکانیں اورکاروباری مراکز بند رہے۔مزید بر آں سندھ بلوچستان کا بارڈر سیل کردیا گیا۔
پولیس کے مطابق سندھ بلوچستان کا بارڈر سیل کرکے بھاری نفری تعینات کردی گئی ہے۔ سندھ اور پنجاب جانے والی گاڑیاں مختلف مقامات پر روک دی گئی ہیں۔ دریں اثنا کراچی سمیت صوبے بھر میں لاک ڈاؤن کے چوتھے روز بھی شہر کی اہم شاہراؤں اور سڑکوں پر رکاوٹیں لگا کر پولیس اور رینجرز کی بھاری نفری کی تعیناتی کا عمل جاری رہا، اس دوران گھروں سے نکلنے والوں سے سفر کرنے کی وجوہات سمیت دیگر معلومات بھی حاصل کی جاتی رہیں ، شہر میں پولیس اور رینجرز کا بھی موثر گشت جاری رہا ۔ اس کے علاوہ شہر کی اہم شاہراہیں اور سڑکوں پر سناٹے کا راج بھی دیکھنے میں آیا۔ علاوہ ازیں کوئٹہ سمیت صوبے بھر میں کورونا سے بچاؤ کیلئے لاک ڈاؤن جاری، پشین، سبی، چمن، کوہلو، دکی، نصیرآباد، ماشکیل، سوراب، بھاگ، خضدار، قلات، مستونگ، قلعہ عبداﷲ، مسلم باغ، حب ودیگر علاقوں میں ضلعی انتظامیہ متحرک پشین اور سبی میں فلیگ مارچ، کوہلو میں پیٹرول پمپس پر چھاپے، پشین میں جمع لوگوں کو گرفتاکرلیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔