کورونا کے خلاف جنگ، پولیس کا ڈاکٹرز کو گارڈ آف آنر کے ذریعے خراج تحسین

ویب ڈیسک  ہفتہ 28 مارچ 2020

کوئٹہ: کوئٹہ کے 2 اسپتالوں میں کورونا وائرس کے مریضوں کا علاج کرنے والے ڈاکٹروں اور عملے کو پولیس نے گارڈ آف آرنر کے ذریعے خراج تحسین پیش کیا۔

کوئٹہ کے شیخ زید اسپتال اور فاطمہ جناح ٹی بی سینی ٹوریم میں کورونا وائرس کے مریضوں کو علاج کرنے والے  ڈاکٹروں اور پیرامیڈیکل اسٹاف کو پولیس اسکوارڈ نے  گارڈ آف انر پیش کیا۔

شیخ زید اسپتال کے ڈاکٹرز اور عملے کو فرنٹ لائن پر مریضوں کا علاج کرنے پر سلامی دی گئی۔ اس موقع پر ڈاکٹر کے ساتھ ساتھ دیگر عملے کو بھی خدمات پر خراج تحسین پیش کیا گیا۔

ڈاکٹرز اور پیرا میڈیکس اسٹاف نے پولیس کے اس اقدام کو سراہتے ہوئے کہا کہ ہم سب کو ملکر کرونا سے ڈرنا نہیں بلکہ اس سے لڑنا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔