- پاکستان آئی ایم ایف سے مزید 8 ارب ڈالر کے بیل آؤٹ پیکج کا خواہاں ہے، وزیرخزانہ
- قومی کرکٹر اعظم خان نیوزی لینڈ کیخلاف ٹی ٹوئنٹی سیریز سے باہر
- اسلام آباد: لڑکی کا چلتی کار میں فائرنگ سے قتل، باہر پھینک دیا گیا
- کراچی؛ پیپلز پارٹی نے سول ہسپتال کے توسیعی منصوبے کا عندیہ دےدیا
- کچے میں ڈاکوؤں کو اسلحہ کون دیتا ہے؟، سندھ پولیس نے تحقیقات کا آغاز کردیا
- ڈاکٹروں نے بشریٰ بی بی کی ٹیسٹ رپورٹس نارمل قرار دے دیں
- دوسرا ٹی ٹوئنٹی: نیوزی لینڈ کی پاکستان کیخلاف بیٹنگ جاری
- جعلی حکومت کو اقتدار میں رہنے نہیں دیں گے، مولانا فضل الرحمان
- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
کرپٹو کرنسی کا کاروبار کرنے والی 9 کمپنیوں کے خلاف کارروائی
اسلام آباد: سیکورٹیز اینڈ ایکسچینج کمیشن آف پاکستان آف پاکستان(ایس ای سی پی)نے ملک بھر میں کرپٹو کرنسی کا کاروبار کرنے والی 9 کمپنیوں کو بند کرنے کے لیے قانونی کارروائی کا آغاز کردیا ہے۔
ایس ای سی پی حکام کا کہنا ہے کہ ملک میں کرنسی کی ٹریڈنگ کا کاروبار صرف اسٹیٹ بینک کے مجاز اور لائسنس یافتہ فاریکس کمپنیاں کرسکتی ہیں لیکن ایس ای سی پی کے علم میں آیا ہے کہ مختلف ناموں سے کریپٹو کرنسیوں کی غیر قانونی ٹریڈنگ ہورہی ہے۔ کریپٹو کرنسیوں کی ٹریڈنگ کے نام سے زیادہ منافع کا لالچ دے کر یہ کمپنیاں لوگوں سے بھاری رقوم اکٹھی کررہی ہیں جبکہ قانون کے مطابق کوئی بھی کمپنی اسٹیٹ بینک ریگولیشنز کے تحت لائسنس کے بغیر نہ تو عوام سے رقوم جمع کرسکتی ہیں اور نہ ہی کرنسی کاکاروبار کرسکتی ہیں۔
کمیشن کی جانب سے گولڈ ٹرانسمٹ نیٹ ورک ٹیکنالوجیز پرائیویٹ لمیٹڈ،ھرین ایپ سُپر مارکیٹ پرائیویٹ لمیٹڈ،گلیکسی ٹائپنگ جابز(ایس ایم سی) پرائیویٹ لمیٹڈ،تھری اے الائنس پرائیویٹ لمیٹڈ،پاک میمن ایمپکس پرائیویٹ لمیٹڈ،میمن کارپوریشن پرائیویٹ لمیٹڈ،ہیومینٹیز میریٹس(ایس ایم سی پرائیویٹ)لمیٹڈ،آئی ڈی جی انٹر پرائزز پرائیویٹ لمیٹڈ اور آیت انٹر پرائزز لمیٹڈنامی کمپنیوں کی نشاندہی کی گئی ہے۔
حکام کا کہنا ہے کہ بہت سی کمپنیاں پُرکشش اور زیادہ منافع کا لالچ دے کر مختلف سکیمیں چلارہی ہیں جو کہ غیر قانونی ہے جبکہ بعض ایسی کمپنیاں قائم ہیں جو خلافِ قانون آسان اقساط اور لیز پر مکانات و گاڑیاں دے کر عوام سے پیسے بٹور رہی ہیں۔ ایس ای سی پی نے ایسے غیر قانونی کاروبار بند کروانے کیلئے کاروائی شروع کردی ہے۔
کمیشن حکام کے مطابق ایس ای سی پی ایک ریگولیٹری ادارہ ہے اس لیے نشان دہی کے بعد مذکورہ کمپنیوں کے خلاف کاروائی کیلئے کیس ایف آئی اے کو بھجوائے جاچکے ہیں۔
واضح رہے کہ ایس ای سی پی کی جانب سے عوام کو متعدد بار کریپٹو کرنسیوں کی ٹریڈنگ کا جھانسا دے کر غیر قانونی طور پر رقوم جمع کرنے ، گاڑیاں اور مکانات کی فراہمی کیلئے لیزنگ،الیکٹرانک مصنوعات اور دیگر اشیاءکی اقساط پر فراہمی کا لالچ دے کرمال بٹورنے والی کمپنیوں سے خبردار کیا جاچکا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔