آج کا دن کیسا رہے گا

عائشہ شریف صابری  منگل 12 مئ 2020
جانیے آج کے دن آپ کے ستارے کیا کہتے ہیں۔ فوٹو : فائل

جانیے آج کے دن آپ کے ستارے کیا کہتے ہیں۔ فوٹو : فائل

حمل:
21مارچ تا21اپریل

اگر خوشگوار زندگی بسر کرنا چاہتے ہیں تو بتدریج اپنے آپ کو بدلنے کی کوشش کیجئے، سب سے الگ تھلگ رہ کر زندگی گزارنا اچھے لوگوں کا دستور نہیں ہوتا رشتوں کو بھی سمجھنے کی کوشش کیجئے۔

ثور:
22 اپریل تا 20 مئی

چند اہم کاموں میں آپ نے حیران کن کامیابی حاصل کی ان کامیابیوں کے پیچھے ہمارے ان مشورروں کا کس قدر ہاتھ ہے جو ہم نے آپ کو دئیے تھے۔

جوزا:
21 مئی تا 21جون

کسی بھی معاملے میں جلدبازی نہ کریں غلط قسم کی سوچوں کو اپنے ذہن سے نکالدیجئے افسران سے تعلقات انتہائی مضبوط ہو سکتے ہیں اولاد سے وابستہ کوئی توقع پوری ہو سکتی ہے۔

سرطان:
22جون تا23جولائی

کوئی آپ کے گھر میں نفرت کے بیج بونے کی ہر ممکن کوشش کر سکتا ہے۔ اگر آپ نے حالات پر اپنی گرفت مضبوط رکھی تو پھر کسی قسم کا بگاڑ پیدا ہونے کا امکان نہیں۔

اسد:
24جولائی تا23اگست

اخراجات بڑھانے کی بجائے کم کر دیں تاکہ گھریلو ماحول سازگار رہ سکے ۔ ہم نے تو دونوں ہی راستے آپ کو دکھا دئیے ہیں اب یہ آپ پر منحصر ہے کہ آپ کون سا راستہ اختیار کر تے ہیں۔

سنبلہ:
24اگست تا23ستمبر

حالات خواہ کسی بھی قسم کے سامنے آئیں جذباتی نہ بنئے بلکہ پورے حوصلے و اعتماد کے ساتھ ان کا مقابلہ کیجئے، اپنے دوستوں کی قربت سے ذرا زیادہ ہی پرہیز کریں۔

میزان:
24ستمبر تا23اکتوبر

ہم آپ کو یہ مشورہ بھی ضرور دیں گے کہ اپنے مزاج میں بھی ٹھہرائو پیدا کریں، غیر مستقل مزاج لوگ ترقی میں بہت پیچھے رہ جاتے ہیں۔

عقرب:
24اکتوبر تا22نومبر

کسی بھی شخص کے ساتھ الجھنے کی غلطی نہ کریں اگر آپ خود پر قابو نہ پا کر کسی سے الجھ بیٹھے تو پھر بات بڑھ سکتی ہے آپ کے اخراجات بھی کسی گھریلو تقریب کے سلسلے میں بڑھ سکتے ہیں۔

قوس:
23نومبر تا22دسمبر

اپنے مخالفین کے ظاہری برتائو پر مت جائیں یہ تو آپ کو دھوکے میں رکھ کر کسی چکر میں الجھانے کا تہیہ کئے ہوئے ہیں۔ اخراجات میں غیر معمولی اضافہ ہو سکتا ہے ۔

جدی:
23دسمبر تا20جنوری

ذرا سوچ سمجھ کر قدم اٹھائیں خصوصی طور پر شراکتی کاروبار خطرات کی بنیاد بن سکتا ہے اب ذرا ہوشمندی سے کام لیں اپنے خوشامدی ساتھیوں کی باتوں میں نہ آئیں۔

دلو:
21جنوری تا19فروری

مزاجی طور پر آپ خاصے جذباتی انسان ہیں ان جذبات نے بارہا آپ کو نقصان پہنچایا ہے اس کے باوجود آپ اپنی عادتیںنہیں بدل پائے۔

حوت:
20 فروری تا 20 مارچ

جن واقعات کی نشاندہی ہم نے قبل از وقت کر دی تھی یقینا ان کا سامنا آپ کو کرنا پڑا ہو گا۔ اچھی نیت سے جدوجہد کی جائے تو ناکامی نہیں ہوتی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔