کراچی کے 5 قبرستان کرونا وائرس سے مرنے والوں کیلیے مختص

ویب ڈیسک  پير 30 مارچ 2020
تدفین کے وقت گروکنوں کو بھی مخصوص حفاظتی لباس دیے جائیں گے، فائل: فوٹو

تدفین کے وقت گروکنوں کو بھی مخصوص حفاظتی لباس دیے جائیں گے، فائل: فوٹو

کراچی: شہر کے 5 قبرستان کرونا وائرس سے مرنے والوں کے لیے مختص کردیے گئے ہیں جب کہ اس موقع پر گورکنوں کو بھی مخصوص حفاظتی لباس دیے جائیں گے۔

میئر کراچی وسیم اختر کی زیرصدارت اجلاس میں کرونا وائرس سے جاں بحق ہونے والے افراد کی تدفین کے لیے شہر کے 5 قبرستان مختص کرنے کا فیصلہ کیا گیا۔

اجلاس میں فیصلہ کیا گیا کہ ضلع وسطی میں مرنے والوں کے لیے نارتھ کراچی کا شاہ محمد قبرستان مختص ہوگا جب کہ وسطی اورشرقی میں مرنے والوں کی تدفین سرجانی ٹاؤن کے قبرستان میں کی جاسکے گی۔

مواچھ گوٹھ کے قبرستان میں ضلع جنوبی اورغربی میں مرنے والوں کی تدفین کی جائے گی ، ملیراورکورنگی میں کرونا سے مرنے والوں کی تدفین کورنگی نمبر 6 کے قبرستان میں کی جائے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔