شاہد آفریدی کی حمایت پر تنقید کرنے والوں کو ہربھجن سنگھ کا کرارا جواب

عباس رضا  جمعرات 2 اپريل 2020
کسی بھی مذہب یا ذات نہیں بلکہ صرف انسانیت کی خدمت، ہربھجن سنگھ کا پیغام

کسی بھی مذہب یا ذات نہیں بلکہ صرف انسانیت کی خدمت، ہربھجن سنگھ کا پیغام

ہربھجن سنگھ نے شاہد آفریدی کی حمایت پر تنقید کرنے والوں کو کرارا جواب دیدیا۔

یوراج سنگھ اور ہربھجن سنگھ نے کورونا وائرس کی وجہ سے پیدا ہونے والے حالات میں شاہد آفریدی کی مہم کو سراہتے ہوئے لوگوں سے بھرپور سپورٹ کرنے کی اپیل کی تھی، تنگ نظر بھارتی صارفین نے دونوں کو سخت تنقید کا نشانہ بنایا، اس پر یوراج سنگھ نے بیان کو غلط رنگ دینے پر حیرت کا اظہار کیا۔

اب ہربھجن سنگھ نے بھی سوشل میڈیا پر ایک ویڈیو شیئر کی ہے جس میں سکھ برادری کے لوگ انگلینڈ میں  ضرورت مندوں کیلیے کھانا تیار کرتے اور بانٹتے نظر آتے ہیں، سابق آف سپنر نے اپنے پیغام میں متعصب بھارتی صارفین کو آڑے ہاتھوں لیتے ہوئے کہا ہے کہ کوئی مذہب یا ذات نہیں صرف انسانیت،گھرمیں رییں محفوظ رہیں، پیار پھیلائیں، نفرت اور وائرس نہیں، آئیں سب کیلیے دعاکریں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔