- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
شاہد آفریدی وجہانگیر خان کی جانب سے اقلیتی برادری کی مدد
کراچی: پاکستان کے انٹرنیشنل ٹینس کھلاڑی روبن داس کی ایکسپریس میں شائع ہونے والی اپیل پر پاکستان کے معروف کھلاڑیوں شاہد خان آفریدی اور اسکواش لیجنڈ جہانگیر خان کراچی اسپورٹس فورم کے ساتھ کھڑے ہوگئے، شاہد آفریدی فاؤنڈیشن کے چیئرمین سابق عالمی چیمپئن جہانگیر خان امدادی راشن فراہم کریں گے۔
سابق ٹیسٹ کپتان اور شہرہ آفاق آل راؤنڈر شاہد خان آفریدی کے فلاحی ادارے شاہد آفریدی فاؤنڈیشن نے کورونا وائرس کے باعث لاک ڈاؤن سے متاثر ہ مستحق کھلاڑیوں اور گراؤنڈ اسٹاف کی دادرسی میں مصروف کراچی اسپورٹس فورم کے ساتھ راشن بیگز کی تقسیم کے کام میں اپنے بھرپورتعاون کاآغازکردیا۔
اس ضمن میں فاؤنڈیشن کے چیئرمین شاہد آفریدی اور صدر اسکواش لیجنڈ جہانگیر خان نے فورم کے چیئرمین آصف عظیم سے کہا ہے کہ فاؤنڈیشن خدمت خلق کے اس کارخیر میں آپ کے شانہ بشانہ کھڑی ہے اور ہمارا پلیٹ فارم پاکستان میں اس عالمی وبا کے متاثرہ کھلاڑیوں اور گراؤنڈ اسٹاف کی مدد کیلیے کی گئی ہرکاوش میں اپنا کردار ادا کرے گا۔
کراچی اسپورٹس فورم کے چیئرمین آصف عظیم نے حوصلہ افزائی اور تعاون فراہم کرنے پر شاہد آفریدی اور جہانگیرخان کاشکریہ ادا کرتے ہوئے کہا ہے کہ فاؤنڈیشن کی سرپرستی کے بعد ہم نے راشن بیگزکی تقسیم کے دائرہ کار کو وسیع کرتے ہوئے صوبائی اسپورٹس ایسوسی ایشنوں کے عہدیداران سے رابطہ کر کے انھیں بھی مستحق افراد کیلیے مہم میں شامل کرنے کافیصلہ کیا ہے تاکہ زیادہ سے زیادہ افراد اس سے مستفید ہوسکیں
آصف عظیم کامزید کہنا تھا کہ فاؤنڈیشن کے چیئرمین جہانگیر خان کراچی اسپورٹس فورم کے اشتراک سے اتوارکو مختلف اسپورٹس ایسوسی ایشنز کے عہدیداران کو کھلاڑیوں اور گراؤنڈ اسٹاف کیلیے راشن بیگزحوالے کریں گے۔
دریں اثناٹینس کے انٹرنیشنل کھلاڑی روبن داس کی جانب سے سول لائن کے علاقے میں رہائش پذیر ہندواور کرسچن کمیونٹی کی مدد کیلیے ایکسپریس میں شائع خبر پر فوری ایکشن لیتے ہوئے سید فاؤنڈیشن کے چیف آرگنائزر سیدوسیم ہاشمی نے روبن داس سے رابطہ کرکے مذکورہ خاندانوں کیلیے اتوار(آج) راشن بیگزپہنچانے کا اعلان کیا۔
واضح رہے کہ پاکستان کے انٹرنیشنل ٹینس کھلاڑی روبن داس نے گزشتہ روز ایکسپریس کے توسط سے اپیل کی تھی کہ کراچی کلب کے قریب ڈاکٹرضیا الدین احمدروڈ پر رہائش پذیرخاک روبی کے پیشے سے وابستہ غریب گھرانوں میں سے 30 کے لگ بھگ مسلم، ہندو اور مسیحی خاندان اس وقت شدید مالی دشواریوں کا شکار ہیں اور ان کے گھروں میں فاقوں کی نوبت آ چکی ہے۔
قومی ٹینس پلیئر کا کہنا تھا کہ انتہائی مفلوق الحال یہ خاندان حسرت و یاس کی تصویر بنے امداداور تعاون کے منتظر ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔