دفعہ 144 پر سختی سے عمل درآمد کروایا جائے، وزیر اعلیٰ پنجاب

ویب ڈیسک  بدھ 8 اپريل 2020
آئندہ چند روزمیں مزید آٹھ لیبز فعال ہونے سے ٹیسٹوں کی روزانہ  تعداد 5 ہزار تک پہنچ جائے گی، عثمان بزدار۔ فوٹو، فائل

آئندہ چند روزمیں مزید آٹھ لیبز فعال ہونے سے ٹیسٹوں کی روزانہ تعداد 5 ہزار تک پہنچ جائے گی، عثمان بزدار۔ فوٹو، فائل

 لاہور: وزیراعلی پنجاب نے دفعہ 144 پر سختی سے عمل درآمد یقینی بنانے کے احکامات جاری کردیے ہیں۔

ایکسپریس نیوز کے مطابق وزیراعلی  پنجاب عثمان بزدار کی زیرصدارت کورونا وباسے متعلق ویڈیو لنک اجلاس ہوا جس میں انہوں نے کہا کہ صوبے بھر میں دفعہ 144 پر سختی سے عملدرآمد یقینی بنایا جائے۔

اجلاس سے خطاب میں وزیراعلیٰ نے کہا کہ پنجاب میں کورونا وائرس کے لئے روزانہ 3100مریضوں کے ٹیسٹ کرنے کی صلاحیت حاصل کرلی ہے، آئندہ چند روزمیں مزید آٹھ لیبز فعال ہونے سے یہ تعداد5 ہزار تک پہنچ جائے گی۔

وزیر اعلی نے اجلاس میں  وائرس سے متاثرہ حاملہ خواتین کیلئے اسپتالوں میں علیحدہ وارڈزبنانے کی ہدایت بھی جاری کی۔

دوسری جانب حکومت نےصوبے میں لاک ڈاؤن کی 14 اپریل تک توسیع کا نوٹی فیکیشن جاری کردیا۔ صوبائی دارالحکومت میں تمام چھوٹےبڑے کاروباری مراکزبدستور بندرہے۔  کریانہ سٹورز،اشیائےضروریہ،سبزی اورپھلوں کی دکانیں شام پانچ بجے جبکہ دودھ دہی کے پوائنٹس رات آٹھ بجے تک کھلے رہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔