کورونا؛ 78 فیصد پاکستانی حکومتی اقدامات سے مطمئن

 پشاور /  اسلام آباد: 78 فیصدپاکستانیوں نے کہا ہے کہ صوبائی حکومتیں کورونا وائرس کی صورتحال سے نمٹنے کے لیے ٹھیک اقدامات کررہی ہیں۔

یہ نتائج عوامی آراء جاننے کے حوالے سے معروف ادارے گیلپ پاکستان کے ایک سروے میں سامنے آئے ہیں۔ سروے  کے مطابق 78 فیصد پاکستانی شہری صوبائی حکومتوں کے کورونا وائرس کی صورتحال سے نمٹنے کے لیے اٹھائے گئے اقدامات سے مطمئن ہیں۔

سروے کے مطابق خیبرپختونخوا کے 90 فیصد لوگوں نے صوبائی حکومت کی جانب سے کیے گئے اقدامات اور حکمت عملی پر اظہار اطمینان کیا ہے ،یہ شرح سب سے کم بلوچستان میںر ہی جو 45 فیصد ہے جبکہ پنجاب میں 78 اورسندھ میں79 فیصد رہی۔