- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کی پاکستان کے خلاف بیٹنگ جاری
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
کرکٹرز کو چاق و چوبند رکھنے کی تدبیریں شروع
لاہور: لاک ڈاؤن میں قومی کرکٹرزکوچاق وچوبند رکھنے کی تدبیریں شروع ہو گئیں جب کہ پی سی بی نے گھروں تک محدود 200 کھلاڑیوں کی ’’آن لائن‘‘ آزمائش کا پلان بنا لیا۔
ملک بھر میں لاک ڈاؤن کے سبب گھروں تک محدودکھلاڑی منفرد انداز میں فٹنس کی جانچ کرائیں گے، پی سی بی حکام نے یہ فیصلہ باہمی مشاورت سے کیا تاکہ سب متحرک اور فٹنس پر توجہ برقرار رکھیں، کوچزاور ٹرینرز کی جانب سے فٹنس پلان پہلے ہیبھجوا دیا گیا تھا۔
ایک ہفتے قبل ہیڈ کوچ و چیف سلیکٹر مصباح الحق اور ٹرینر یاسر ملک کی جانب سے بھجوائے جانے والے پیغام میں کھلاڑیوں کو ہدایت دی گئی تھی کہ لاک ڈاؤن کی وجہ سے ہونے والی مشکلات اور محدود وسائل کو پیش نظر رکھتے ہوئے ایک پروگرام وضع کردیا گیا، اس میں سب کے لیے ٹریننگ کا برابر کا موقع ہے، آپ کو یقینی بنانا ہوگا کہ فٹنس کیلیے سو فیصد کوشش کر رہے ہیں، نظم و ضبط کا برقرار رکھتے ہوئے سخت محنت کریں، آن لائن ویڈیو کال کے طریقہ کار سے بھی جلدآگاہ کردیا جائے گا۔
ذرائع کے مطابق اب اس پلان کو حتمی شکل دیتے ہوئے شیڈول بھی بنا لیا گیا ہے، 200 کرکٹرز کے فٹنس ٹیسٹ 20 اور 21 اپریل کو لیے جائیں گے، سینٹرل کنٹریکٹ یافتہ 19 کرکٹرز کی آزمائش کا عمل یاسر ملک مکمل کریں گے، ڈومیسٹک کنٹریکٹ رکھنے والے پلیئرز کی فٹنس صوبائی ٹرینرزکو جانچنا ہوگی، دوران ٹیسٹ کرکٹرز ٹائم سیٹ، پش اپس، سٹ اپ، چن اپ سمیت مختلف انڈور مشقوں سے یہ ثابت کرنے کی کوشش کریں گے کہ گھروں میں رہ کر فٹنس میں زیادہ خرابی نہیں آئی، کورونا وائرس کے سبب پیدا ہونے والے مشکل حالات میں بہتری کے بعد باقاعدہ اور مکمل فزیکل فٹنس ٹیسٹ جون میں لیے جائیں گے، اس میں جم، یویو، ایک کلومیٹر رننگ سمیت تمام ضروری امورکو مدنظر رکھا جائے گا۔
یاد رہے کہ ہیڈکوچ اور چیف سلیکٹر مصباح الحق نے گذشتہ دنوں صحافیوں کے ساتھ ویڈیو کانفرنس میں بھی تمام کرکٹرز کو ہدایت کی تھی کہ فٹنس کے معاملے میں سہل پسندی کا شکار نہ ہوں، ہرممکن طریقے سے اپنی فٹنس پر فوکس رکھیں تاکہ جیسے ہی صورتحال بہتر اور کرکٹ سرگرمیاں بحال ہوں تمام کھلاڑی میدان میں اترنے کے لیے تیار نظر آئیں، یوں بھی پی سی بی کی جانب سے فٹنس کے حوالے سے سخت پالیسی اختیار کی گئی ہے، معیار پر پورا نہ اترنے والے قومی اور ڈومیسٹک کرکٹرز کی ابتدائی طور پر تنخواہ میں کٹوتی اور بہتری نہ آنے پر کنٹریکٹ ختم بھی کیا جا سکتا ہے۔
قومی اور ڈومیسٹک کرکٹرز کے رواں سیزن کے پانچویں فٹنس ٹیسٹ 23 اور 24 مارچ کو شیڈول کیے گئے تھے لیکن کورونا وائرس کے باعث انھیں ملتوی کرنا پڑا، اس کی کسی حد تک تلافی آن لائن ٹیسٹ کے ذریعے کرنے کی کوشش ہو رہی ہے۔
پاکستان ٹیم کی اگلی آزمائش اب جولائی میں ہالینڈ اور آئرلینڈ سے میچز میں ہوگی، اس کے بعد انگلینڈ جانا ہے، یورپ میں کورونا وائرس خطرناک حد تک پھیل چکا جس کے بعد آئندہ چند ماہ تک وہاں اسپورٹس ایونٹس کا انعقاد مشکل لگتا ہے، اس صورتحال میں پاکستان ٹیم کا دورہ خطرے میں دکھائی دے رہا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔