میڈیا کارٹونوں کے بجائے قابل لوگوں کو تبصروں کیلئے لایا کرے، شاہد آفریدی

ویب ڈیسک  پير 2 دسمبر 2013
پاکستان کو مسقتبل کے لئے 3 نوجوان کرکٹرز مل گئے ہیں جو ٹیم کے لئے اچھا اضافہ ہیں۔  فوٹو؛آن لائن

پاکستان کو مسقتبل کے لئے 3 نوجوان کرکٹرز مل گئے ہیں جو ٹیم کے لئے اچھا اضافہ ہیں۔ فوٹو؛آن لائن

کراچی: پاکستانی کرکٹ ٹیم کے سابق کپتان شاہد آفریدی کہا ہے کہ میڈیا پر بیٹھے ہیکل جیکل کو تنقید کے بجائے مشکل وقت میں ٹیم کوسپورٹ کر نا چاہیے۔ میڈیا کو چاہئے کہ قابل لوگوں کو تبصروں کے لئے لایا کرے۔ 

جنوبی افریقا سے وطن واپسی پرکراچی ائرپورٹ پر میڈیا سے بات چیت کرتے ہوئے بوم بوم آفریدی نے کہا کہ متحدہ عرب امارات میں سری لنکا سے سیریز ہارنے پر معافی کی گنجائش نہیں لیکن پاکستان کو مستقبل کے لئے 3 نوجوان کرکٹرز مل گئے ہیں جو ٹیم کے لئے اچھا اضافہ ہیں۔ محمد حفیظ کی کپتانی سے مطمئن ہوں لیکن انہیں اپنی پرفارمنس بہتر کرنا ہوگی۔

آل راؤنڈر کا کہنا تھا کہ ٹیم نے ساؤتھ افریقہ کو ان کے ہوم گراؤنڈ میں شکست دے کر اچھا کم بیک کیا۔ شاہد آفریدی نے گفتگو کے دوران میڈیا کو بھی کئی مشورے دئیے، ان کا کہنا تھا کہ میڈیا کو چاہئے ہیکل جیکل کے بجائے اچھے اور قابل لوگوں کو تبصروں کے لئے لایا کریں جو مشکل وقت میں ٹیم کو سپورٹ کریں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔