- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
- اختلافی تحاریر میں اصلاح اور تجاویز بھی دیجیے
- عوام کو قومی اسمبلی میں پٹیشن دائر کرنیکی اجازت، پیپلز پارٹی بل لانے کیلیے تیار
- ریٹائرڈ کھلاڑیوں کو واپس کیوں لایا گیا؟ جواب آپکے سامنے ہے! سلمان بٹ کا طنز
- آئی ایم ایف کے وزیراعظم آفس افسروں کو 4 اضافی تنخواہوں، 24 ارب کی ضمنی گرانٹ پر اعتراضات
- وقت بدل رہا ہے۔۔۔ آپ بھی بدل جائیے!
- خواتین کی حیثیت بھی مرکزی ہے!
- 9 مئی کیسز؛ شیخ رشید کی بریت کی درخواستیں سماعت کیلیے منظور
- ’آزادی‘ یا ’ذمہ داری‘۔۔۔ یہ تعلق دو طرفہ ہے!
- ’’آپ کو ہمارے ہاں ضرور آنا ہے۔۔۔!‘‘
- رواں سال کپاس کی مقامی کاشت میں غیر معمولی کمی کا خدشہ
جامعہ اردو این ٹی ایس ٹیسٹ میں پاسنگ مارکس کی شرط ختم
کراچی: وفاقی اردویونیورسٹی کی جانب سے جاری داخلوں کے لیے نجی بینکوں نے جامعہ کے داخلہ فارم فروخت اورجمع کرنے سے انکارکردیا ہے جس کے بعد یونیورسٹی کے تحت جاری داخلہ عمل جزوی طور پر متاثر ہوگیا ہے یونیورسٹی انتظامیہ نے اس انکارکے بعد طلبا کوخود ہی داخلے کی خدمات دینا شروع کردی ہیں۔
دوسری جانب اردو یونیورسٹی کی انتظامیہ نے این ٹی ایس سے لیے جانے والے داخلہ ٹیسٹ میں پاسنگ مارکس (Cut off Marks)کی شرط ختم کردی ہے جس کے بعد این ٹی ایس کے داخلہ ٹیسٹ میں شریک ہونیوالے طلبا پاس یافیل نہیں ہوں گے بلکہ یونیورسٹی کے متعلقہ شعبہ جات ٹیسٹ میں شریک ہونے والے طلبہ وطالبات کے حاصل کردہ نمبرزکودیکھتے ہوئے از خود میرٹ طے کریں گے جس کی بنیاد پر داخلے دیے جائیں گے یونیورسٹی کے فیصلے کے تحت تمام ٹیسٹ ’’پری انجینئرنگ اور پری میڈیکل‘‘ کی بنیاد پر ہوں گے، داخلہ کمیٹی کے چیئرمین ڈاکٹر محمود پٹھان نے بتایا ہے کہ اس بار این ٹی ایس داخلہ ٹیسٹ شعبہ جات کے بجائے پری انجینئرنگ اور پری میڈیکل کی سطح پر لیا جائے گا، 100نمبرکے ٹیسٹ میں پری انجینئرنگ اورپری میڈیکل سے انٹرکرنے والے طلبا کیلیے انگریزی کے 20 نمبر اورمعلومات عامہ کے 10نمبر مختص ہیں جبکہ پری انجینئرنگ کے طلبا کے لیے فزکس اورکیمسٹری کے20، 20 نمبر جبکہ ریاضی کے30 نمبر اور پری میڈیکل کے طلبا کیلیے فزکس اورکیمسٹری کے20،20 نمبر اور بائیولوجی کے 30 نمبر مختص ہیں اسی طرح کمپیوٹرسائنس کے طلبا کیلیے کمپیوٹرکے30 نمبر ہونگے۔
ٹیسٹ میں شریک طلبا کا میرٹ ان کے مارکس کی بنیاد پر شعبہ جات ازخود جاری کریں گے، ٹیسٹ میں طالب علم پاس یا فیل نہیں ہوگا صرف بی بی اے اور ایم بی اے کے ٹیسٹ مروجہ طریقہ کار کے مطابق ہوں گے اردو یونیورسٹی کے ماسٹرز مارننگ پروگرام کیلیے تمام فیکلیٹیز کی 1585 نشستیں اوربی ایس کی2620 نشستیں مختص ہیں ، یونیورسٹی کو ٹیسٹ شعبہ جات کے2 ہزار اور اوپن میرٹ کے حامل شعبوں کے ایک ہزارفارم موصول ہوئے ہیں جبکہ ساڑھے 4 ہزار سے زائد فارم فروخت کیے جاچکے ہیں یاد رہے کہ گزشتہ برس فارمیسی کے داخلوں کیلیے این ٹی ایس ٹیسٹ میں اتنی بڑی تعداد میں امیدوارفیل ہوگئے تھے کہ یونیورسٹی کو پاسنگ مارکس (Cut off Marks)کم کرنے پڑے تھے جس کی بنیاد پر اس بار پاسنگ مارکس کی شرط ہی ختم کردی گئی ہے تاہم ڈائریکٹر داخلہ کمیٹی کا کہنا ہے کہ ہرشعبے کے داخلے کا میرٹ علیحدہ علیحدہ ہے لہٰذا پاسنگ مارکس مقرر نہیں کیے جاسکتے، بینکوں کی جانب سے داخلہ فارم فروخت اورجمع کرنے سے انکارپر یونیورسٹی رجسٹرار ڈاکٹرفہیم الدین کا کہنا تھاکہ نجی بینک 200 روپے فی فارم سروس چارجز مانگ رہے تھے جو یونیورسٹی کیلیے دینا ناممکن تھا ،یونیورسٹی انتظامیہ نے فارم خود فروخت اوروصول کرنیکا فیصلہ کیا ہے جامعہ کے گلشن اور مولوی عبدالحق کیمپس میں داخلہ کاؤنٹر قائم کرکے فارم فروخت اور وصول کیے جارہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔