سعودی خاتون مصور کے سنگ مرمر پر خوبصورت اور حیران کن فن پارے

 بدھ 13 مئ 2020
رحاب خالد فائن آرٹ کی طالبہ ہیں اور مصوری کی دنیا میں نئی جہتوں کی متلاشی ہیں ، فوٹو : العربیہ نیوز

رحاب خالد فائن آرٹ کی طالبہ ہیں اور مصوری کی دنیا میں نئی جہتوں کی متلاشی ہیں ، فوٹو : العربیہ نیوز

سعودی عرب کی باصلاحیت مصورہ رحاب خالد نے سنگ مرمر کے ٹکڑوں اور ٹائلز پر دلکش تصاویر اور دیدہ زیب پورٹریٹ بناکر آرٹ کی دنیا میں ایک نئی جہت کا خوشگوار اضافہ کردیا۔

عرب میڈیا کے مطابق سعودی عرب میں فائن آرٹ کی طالبہ رحاب خالد نے اپنے فن پاروں سے دنیا بھر کی توجہ حاصل کر لی ہے، پہلے وہ کینوس پر آئل پینٹ سے مصوری کیا کرتی تھیں لیکن اب اس میں جدت لاتے ہوئے ٹائلز اور سنگ مر مر کے ٹکڑوں کو ہی کینوس بنا لیا اور دلفریب نمونے تخلیق کیے۔

Saudia female artist 4

رحاب خالد سنگ مر مر پر تصاویر، کارٹون، پورٹریٹ اور خوبصورت مناظر اس مہارت سے پینٹ کرتی ہیں دیکھنے والوں کو بالکل اندازہ نہیں ہوتا کہ یہ شاہکار ٹائلز اور سنگ مرمر کے ٹکڑوں پر تخلیق کیے گئے ہیں۔ وہ چھوٹے ٹکڑوں کو پر الگ الگ تخلیقات کرکے جب ان کو یکجا کرتیں تو ایسا محسوس ہوتا جیسے وال پیٹنگ کی گئی ہے۔

Saudia female artist 1

رحاب خالد بچپن سے خاکہ سازی کی شوقین کی ہیں اسی لیے مصوری کی تعلیم بھی حاصل کی اور اب سنگ مرمر کے ٹکڑوں پر سعودیہ کی اہم شخصیات کی پورٹریٹ بھی بناتی ہیں جسے کافی پسند کیا گیا جس کے بعد مصورہ نے اپنے شاہکار کو سماجی رابطے کی ویب سائٹس پر شیئر کرنا شروع کیا تو تعریفوں کا تانتا بندھ گیا جس سے انہیں کافی حوصلہ ملا۔

Saudia female artist 7

رحاب خالد نے ڈرائنگ اور مصوری کے کئی مقابلوں میں حصہ لیا اور کامیابیاں سمیٹیں، ان کے فن پاروں کو قدر کی نظر سے دیکھا جا رہا ہے اور عالمی سطح پر نام بنانے میں کامیاب ہوگئی ہیں۔

Saudia female artist 3

رحاب سنگ مرمر کے اور بڑے ٹائلز کو مختلف سائز میں کاٹ کر ان پر مصوری کرتی ہیں یہ ایک بہت انوکھا اور منفرد تجربہ تھا تاہم انہیں یقین نہیں تھا کہ اس قدر پذیرائی ملے گی۔

Saudia female artist 9

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔