انٹربینک اور اوپن مارکیٹ میں ڈالر کی بے قدری جاری

کراچی: انٹربینک  میں ڈالر کی قدر 84 پیسے جب کہ اوپن مارکیٹ میں ڈالر 30 پیسے کمی کے ساتھ بند ہوا۔

انٹربینک مارکیٹ میں جمعرات کو ابتدائی اوقات کے دوران ادائیگیوں کے دباؤ کے باعث امریکی ڈالر کی قدر اگرچہ بڑھ کر  160 روپے 95 پیسے کی سطح تک پہنچ گئی تھی لیکن بعد دوپہر مارکیٹ میں زرمبادلہ کی رسد دوبارہ بڑھنے سے ڈالر کی قدر میں اضافے کے اثرات زائل ہوگئے

کاروبار کے اختتام پر انٹربینک مارکیٹ میں ڈالر کی قدر 84 پیسے کی کمی سے 160 روپے 10 پیسے پربند ہوئی، جب کہ  اوپن کرنسی مارکیٹ میں ڈالرکی قدر 30 پیسے کی کمی سے 160 روپے 80 پیسے پر بند ہوئی۔