اشرف غنی اورعبداللہ عبداللہ کے مابین اتحادی حکومت بنانے پراتفاق

کابل:  افغان صدر اشرف غنی اور عبداللہ عبداللہ کے مابین افغانستان میں اتحادی حکومت کی تشکیل پر اتفاق ہوگیا ہے۔

افغان صدر کے ترجمان صدیق صدیقی نے ٹوئیٹ کے ذریعے  تفصیلات جاری کرتے ہوئے بتایا کہ دونوں رہنماؤں کے مابین معاہدے پر دستخط ہوگئے ہیں۔ عبد اللہ عبداللہ قومی مفاہمتی ہائی کونسل کی سربراہی کریں گے اور ان کی ٹیم کے ارکاین کو کابینہ میں بھی شامل کیا جائے گا۔ معاہدے کی تفصیلات جلد جاری کردی جائیں گی۔

The Political Agreement between President Ghani and Dr. Abdullah Abdullah has just been signed. Dr. Abdullah will lead the National Reconciliation High Council and members of his team will be included in the cabinet. Details will be aired shortly by RTA. pic.twitter.com/VZ95m5DfJq

— Sediq Sediqqi (@SediqSediqqi) May 17, 2020

دوسری جانب افغانستان کے لیے امریکا کے نمائندہ خصوصی زلمی خلیل زاد کا کہنا تھا کہ اشرف غنی اور عبداللہ عبداللہ کو ماضی کی غلطیاں نہیں دہرانی چاہئیں۔ امن عمل وعدوں کی بروقت تکمیل کی بنیاد پر آگے بڑھنا چاہئیے۔امریکاجنگ کے خاتمے کیلئے امن عمل میں افغان حکومت کا شراکت دار بننے کےلیے تیار ہے۔

1/3 After a protracted period, Pres Ghani & Dr Abdullah have agreed to form an inclusive government in which Dr Abdullah will be the peace process lead. The outline for this compromise has been in place for 10 weeks. We welcome the compromise and wish the new government success.

— U.S. Special Representative Zalmay Khalilzad (@US4AfghanPeace) May 17, 2020

انہوں نے بتایا کہ اشرف غنی اور عبداللہ عبداللہ کے درمیان افغانستان میں اتحادی حکومت بنانے پر اتفاق ہوگیا ہے۔ امریکامعاہدے کے مطابق نئی افغان حکومت کی کامیابی کا خواہش مند ہے۔عبداللہ عبداللہ امن عمل کی سربراہی کریں گے۔ اس معاہدے پر گذشتہ 10 ہفتے سے بات چیت جاری تھی۔ ہم نئی حکومت کا خیر مقدم کرتےہیں اور اس کی کام یابی کے خواہش مند ہیں۔

یہ بھی پڑھیے: بھارت کا افغانستان میں کردار ہمیشہ منفی رہا ہے، طالبان

واضح رہے کہ مارچ میں الیکشن کمیشن کی جانب سے صدارتی انتخاب میں  اشرف غنی کی کامیابی کا نوٹیفیکشن جاری ہونے باوجود حریف رہنما عبداللہ عبداللہ نے نتائج مسترد کرتے ہوئے خود ساختہ صدر ہونے کا دعویٰ کیا  تھا اور اپنے حامیوں کے ہمراہ الگ تقریب حلف برداری منعقد کی تھی جہاں انہوں نے صدر کا حلف بھی اُٹھایا تھا۔ افغان رہنماؤں کے باہمی اختلافات کے بعد طالبان کے ساتھ امریکا کے امن معاہدے کے مستقبل کے بارے میں شکوک و شبہات پیدا ہوگئے تھے۔