سندھ اسمبلی کے مزید دو ارکان میں کورونا وائرس کی تشخیص

 کراچی: سندھ اسمبلی کے مزید دو ارکان کے کورونا وائرس سے متاثر ہونے کی تصدیق ہوگئی ہے۔

رکن سندھ اسمبلی ساجد جوکھیو اور سعدیہ جاوید کا کورونا ٹیسٹ مثبت آگیا ہے۔ دونوں ارکان کا تعلق حکمران جماعت پیپلزپارٹی سے ہے۔ سعدیہ جاوید نے ایک روز قبل منگل کو کوروناٹیسٹ کروایا تھا۔ سعدیہ جاوید کے مطابق اب تک  کورونا وائرس  کی کوئی علامات ظاہر نہیں ہوئی ہیں۔ انہوں نے  نے خود کو گھر میں قرنطینہ کرلیا ہے۔ سعدیہ جاوید نے احتیاطی طور پر نجی لیب سےکورونا ٹیسٹ کرایاتھا۔

ادھر پیپلزپارٹی کے ملیر سے منتخب رکن سندھ اسمبلی ساجد جوکھیو بھی کورونا وائرس وبا کی لپیٹ میں آگئے ہیں۔سندھ اسمبلی کے مجموعی طور پر آٹھ ارکان کورونا پازیٹو کاشکار ہوچکے ہیں جن میں پیپلزپارٹی کے صوبائی وزراء سعید غنی، غلام مرتضی بلوچ، سہراب سرکی،، لیاقت آسکانی، سعدیہ جاوید، ساجد جوکھیو، جی ڈی اے کے سید راشدشاہ، ایم ایم اے کے سید عبدالرشید اور ایم کیوایم کی منگلا شرما شامل ہیں۔