- کراچی: ڈکیتی کا جن قابو کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
خیبر پختون خوا میں عید کے بعد کاروبار بحال، 4 دن دکانیں کھلیں گی
پشاور: خیبر پختون خوا میں عید کے بعد کاروبار پرانی شرائط پر بحال ہوگئے۔
خیبرپختونخوا حکومت نے عید کی چھٹیاں ختم کے بعد دکانوں اور کاروباری مراکز کے لئے اوقات کا تعین کردیا ہے جس کے تحت تمام دکانیں ہفتے میں 4 دن پیر سے جمعرات شام 5 بجے تک کھلی رہیں گی جب کہ جمعہ سے اتوار تک تین دن چھٹی ہوگی، حجام اور سیلون ہفتے میں 3 دن جمعہ، ہفتہ اور اتوار کو کھلے رہیں گے اور سب کو ایس او پیز پر سختی سے عمل درآمد یقینی بنانا ہو گا۔
وزیراعلیٰ خیبر پختونخوا محمود خان کے مشیر برائے اطلاعات اجمل خان وزیر نے پشاور کے مختلف بازاروں میں ایس او پیز کا جائزہ لینے کے بعد میڈیا سے بات کرتے ہوئے کہا کہ وزیر اعظم عمران خان کی قیادت میں حکومت دو طرفہ جنگ لڑ رہی ہے، ایک کورونا کے خلاف اور دوسری غربت و افلاس کے خلاف ہے، ہمارے ملک کی کافی آبادی غربت کی لکیر سے نیچے زندگی گزار رہی ہے یہی وجہ ہے کہ حکومت نے لاک ڈاؤن میں نرمی کی۔
انہوں نے کہا کہ وزیراعظم عمران خان ہمیشہ غریب طبقے کا سوچتے ہیں یہی وجہ ہے کہ وزیراعظم عمران خان نے لاک ڈاؤن میں دیہاڑی دار اور مزدور طبقے کے لئے احساس ایمرجنسی کیش پروگرام شروع کیا جو ملکی تاریخ کا بہترین اور شفاف پروگرام ہے۔
احساس پروگرام کے دوسرے فیز میں خیبر پختونخوا حکومت کی طرف سے بھی غریبوں کو کیش فراہم کرنے کا سلسلہ جلد شروع ہوجائے گا، اسکے علاوہ زکوٰۃ فنڈ سے بھی مستحقین کو 12 ہزار روپے دیئے جائیں گے، وزیراعلیٰ محمود خان کی خصوصی ہدایت پر محکمہ زکوٰۃ کے پاس رجسٹرڈ 29 ہزار افراد کی تعداد ایک لاکھ تک پہنچائی گئی ہے۔
اجمل وزیر نے اس موقع پر چیف سیکرٹری خیبر پختونخوا کی خدمات کو خراج تحسین پیش کرتے ہوئے کہا کہ چیف سیکرٹری کورونا کے خلاف فرنٹ لائن پر لڑتے ہوئے خود کورونا سے متاثر ہوگئے، چیف سیکرٹری اس وقت قرنطینہ میں ہیں لیکن گھر سے تمام انتظامی امور کی نگرانی کر رہے ہیں۔
مشیر اطلاعات نے ذخیرہ اندوزوں کو ایک بار پھر خبردار کیا کہ ذخیرہ اندوزوں سے آہنی ہاتھوں سے نمٹنے کے لئے آرڈنینس لایا گیا ہے۔ آرڈیننس میں ذخیرہ اندوزوں کے لئے سخت سزائیں مقرر کی گئی ہیں اور ان میں کسی قسم کی نرمی نہیں کی جائیگی۔
انہوں نے کہا کہ ہمارے ڈاکٹرز اور طبی عملہ و سائل کی کمی کے باوجود کورونا کے خلاف فرنٹ لائن پر خدمات سرانجام دے رہا ہے۔مشیر اطلاعات نے کہا کہ لاک ڈاؤن میں سختی اور نرمی دونوں عوام کے تحفظ کے لئے ہیں، ایس او پیز پر عمل درآمد کی صورت میں مزید نرمیاں بھی کی جائیں گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔