ویرات کوہلی انوشکا شرما کو طلاق دے، بی جے پی رہنما کا مطالبہ

ویب ڈیسک  جمعرات 28 مئ 2020
ویرات کوہلی ’دیش بھگت‘ ہی لہذا وہ انوشکا شرما کو طلاق دے دیں، نند کشور گجر

ویرات کوہلی ’دیش بھگت‘ ہی لہذا وہ انوشکا شرما کو طلاق دے دیں، نند کشور گجر

 ممبئی: بھارتیہ جنتا پارٹی نے ویرات کوہلی سے مطالبہ کیا ہے کہ وہ اپنی اہلیہ ادکارہ انوشکا شرما کو طلاق دے دیں۔

بھارتی کرکٹ ٹیم کے کپتان ویرات کوہلی کی اہلیہ انوشکا شرما ادکاری کے ساتھ ساتھ فلم پروڈکشن میں بھی قدم جماچکی ہیں اور ان کی حال ہی میں ریلیز ہونے والی ویب سیریز ’پتال لوک‘ کی کامیابی پر جہاں انہیں سراہا جارہا ہے وہیں فلم میں دکھائے جانے والے کچھ مناظر پر مختلف گروپس کی جانب سے اعتراضات بھی سامنے آرہے ہیں۔

انوشکا شرما کی پروڈکشن میں بننے والی ویب سیریز ’پتال لوک‘ میں ایک نیپالی نام کے خواجہ سرا کا کردار بھی ہے جس پر گورکھ کمیونٹی کی جانب سے سخت احتجاج کیا گیا دوسری جانب ایک منظر میں مسلمان فیملی کو ’بیف‘ کھاتے ہوئے بھی دکھایا گیا ہے جس پر بی جے پی رہنما کی جانب سے اعتراض سامنے آیا ہے۔

اپنے انٹریو میں بی جے پی کے ایم ایل اے نند کشور گجر نے ویرات کوہلی سے مطالبہ کیا ہے کہ وہ ادکارہ انوشکا شرما کو طلاق دے دیں کیوں کہ ویرات کوہلی ملک کی نمائندگی کرتے ہیں اور وہ ’دیش بھگت‘ ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔