کنگ خان بھی حناربانی کھر کی خوبصورتی کی تعریف کئے بغیر نہ رہ سکے

نئی دلی: بالی ووڈ کنگ خان شاہ رخ بھی پاکستان کی سابق وزیر خارجہ حنا ربانی کھر کے مداح نکلے اور ایک ٹی شو کے دوران ان کی خوبصورتی کی تعریف بڑی فراخ دلی سے کر ڈالی۔

بھارتی دارالحکومت نئی دلی میں ایک ٹی وی چینل کے پروگرام میں حنا ربانی کھر بھی شریک تھیں۔ پروگرام کی میزبان نے شاہ رخ خان کو بتایا کہ مہمانوں میں حنا ربانی کھر بھی موجود ہیں اس پر کنگ خان نے ماتھے پر ہاتھ رکھتے ہوئے مہمانوں کی جانب دیکھا اور سابق وزیر خارجہ کو مخاطب کرتے ہوئے کہا کہ ماشا اللہ آپ بہت خوبصورت ہیں۔ کنگ خان کے اس تبصرے پر حاضرین ہنسنے لگے میزبان نے فوری طور پر کہا کہ ان کے شوہر بھی ساتھ بیٹھے ہیں جس پر شاہ رخ نے پریشان ہونے کی بجائے ان کی بھی تعریف کر ڈالی اور کہا کہ حنا ربانی کھر کا پورا خاندان ہی بہت خوبصورت ہے۔

اپنی خوبصورتی اور خوش لباسی کی وجہ سے دنیا بھر میں مشہور سابق وزیر خارجہ حناربانی کھر کےچاہنوں والوں میں مزید اضافہ ہوگیا ہے۔ اب ان کے پرستار کوئی عام انسان نہیں بلکہ کروڑوں دلوں پر راج کرنے والے بالی وڈ کنگ شاہ بنے ہیں۔

واضح رہے کہ ایک بھارتی اخبار نے دنیا کی پرکشش خواتین سیاستدانوں کی ایک فہرست جاری کی تھی جس میں  سابق وزیرخارجہ حنا ربانی کھر نے خواتین سیاستدانوں کو پیچھے چھوڑدیا تھا۔