- بلوچستان کے علاقے نانی مندر میں نایاب فارسی تیندوا دیکھا گیا
- ججز دھمکی آمیز خطوط، اسلام آباد ہائیکورٹ کا مستقبل میں متفقہ ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
سپریم کورٹ کا فیڈریشن آف پاکستان چیمبر اینڈ کامرس پر شدید برہمی کا اظہار
اسلام آباد: سپریم کورٹ نے سارک چیمبر آف کامرس اینڈ انڈسٹری کے عہدیداران کی نامزدگیوں کے تنازع پر فیڈریشن آف پاکستان چیمبر اینڈ کامرس پر شدید برہمی کا اظہار کیا ہے۔
جسٹس عمر عطاء بندیال کی سربراہی میں سپریم کورٹ کے تین رکنی بینچ نے سارک چیمبر آف کامرس اینڈ انڈسٹری کے عہدیداران کی نامزدگیوں کے تنازع سے متعلق کیس کی سماعت کی۔
عدالت عظمیٰ نے فیڈریشن آف پاکستان چیمبر اینڈ کامرس کو پانچ روز میں معاملے کو حل کرنے اور دونوں فریقین سے ایک ایک نمائندے پر مشتمل کمیٹی قائم کرنے کا حکم دیا۔
جسٹس عمر عطاء بندیال نے بین الاقوامی سطح پر نمائندگی کو متنازعہ کرنے پر شدید برہمی کا اظہار کرتے ہوئے کہا کہ بارہ ممالک کے سامنے جھگڑا کرنا شرمساری کا باعث ہے، کیسے بزنس مین ہیں کہ ملک کے مفاد کا ہی نہیں پتہ، معاملہ حل کریں ورنہ آپ کے ساتھ کچھ اور کر دیں گے، ملکی مفاد مدنظر نہ رکھا تو ہمیشہ کے لیے آپ سب پابندی لگا دیں گے۔
جسٹس عمر عطاء بندیال نے ریمارکس دیے کہ باہمی چپقلش اور معمولی جھگڑوں سے عالمی سطح پر ملک کو بدنام نہ کریں، دو رکنی کمیٹی قائم کر رہے ہیں۔
جسٹس عمر عطاء بندیال اور جسٹس قاضی امین نے وکیل عامر رانا کی سرزنش کرتے ہوئے کہا کہ آپ سپریم کورٹ میں کھڑے ہو کر گیم کھیل رہے ہیں،آپ کا لائسنس منسوخ اور جرمانہ کرتے ہیں۔
وکیل عامر رانا نے عدالت سے معافی مانگ لی جس پر عدالت نے حکم دیا کہ ابھی ایک لاکھ روپے جرمانہ ادا کر کے رسید سپریم کورٹ میں جمع کرائیں۔ وکیل عامر رانا نے کورونا ریلیف فنڈ میں جرمانے کے پیسے جمع کرانے کا یقین دلایا۔
واضح رہے کہ سارک آئین کے مطابق آئندہ مدت کے لیے سارک چیمبر آف کامرس اینڈ انڈسٹری کے عہدیداران کی نامزدگی پاکستان کی جانب سے ہونی ہے لیکن فیڈریشن آف پاکستان چیمبر اینڈکامرس کے گروپوں کے درمیان ان نامزدگیوں پر تنازع ہے جو سپریم کورٹ تک پہنچ گیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔