لاہور کے پارک میں امیر زادے کے کتوں نے بچے کو بھنبھوڑ ڈالا

لاہور کے فیملی پارک میں امیر شخص کے پالتو کتوں نے بچے کو بھنبھوڑ کر شدید زخمی کردیا۔

لاہور کے اقبال ٹاؤن کے فیملی پارک میں ایک امیر زادے کے پالتو کتوں نے غبارے بیچنے والے غریب بچے کو بری طرح بھنبھوڑ ڈالا جس کے نتیجے میں بچہ شدید زخمی ہوگیا۔

غبارےبیچنےوالا بچہ اقبال ٹاون لاہور فیملی پارک مون مارکیٹ میں ایک امیر ذادے کےپالتو کتوں نےایک غریب کےبچےکوبری طرح کاٹ کر زخمی کردیا
ریاست پاکستان اور پنجاب پولیس سےدرخواست ہےانکےخلاف اقدام قتل کامقدمہ درج کیاجاۓ
اور پارکس میں کتوں کےداخلے پرمکمل پابندی عاٸدکی جاۓ@MashwaniAzhar pic.twitter.com/vDBquhyl6a

— Salahuddin (@Salahuddin5566) June 3, 2020

پارک میں موجود شہریوں نے فوری طور پر بچے کو اسپتال منتقل کیا۔ شہریوں نے کتوں کے مالک کو پکڑنے کی کوشش کی تاہم وہ وہاں سے فرار ہونے میں کامیاب ہوگیا۔

لاہور اقبال ٹاؤن فیملی پارک میں غبارے بیچنے والے معصوم بچے پر کتا چھوڑنے والا درندہ گرفتار کر لیا گیا،
یاد رہے غربت اور اس ملک کے انصاف کے نظام کے باعث بچے کے باپ نے کسی بھی قانونی کارروائی کرنے سے انکار کر دیا تھا لیکن پولیس نے اس افسوسناک واقعہ پر فوری کارروائی کی۔ pic.twitter.com/VBpF6cVqlN

— Mughal (@gemee_mughal) June 3, 2020

واقعے کی ویڈیو سوشل میڈیا پر وائرل ہوگئی تاہم بچے کے باپ نے کسی بھی قانونی کارروائی کرنے سے انکار کردیا۔ پولیس نے عوامی مقام پر واقعہ پیش آنے کے باعث قانونی کارروائی کرتے ہوئے کتے کے مالک کے خلاف مقدمہ درج کرکے ملزم کو گرفتار کرلیا۔

https://twitter.com/i/status/1268171883746340865

سوشل میڈیا پر صارفین نے واقعے پر شدید غم و غصے کا اظہار کرتے ہوئے پارکس میں کتوں کےداخلے پرمکمل پابندی عائد کرنے کا مطالبہ کیا۔