منشیات برآمدگی کیس؛ رانا ثنااللہ کی حاضری سے معافی کی درخواست منظور

ویب ڈیسک  ہفتہ 6 جون 2020
رانا ثناءاللہ کی جانب سے فرہاد علی شاہ ایڈووکیٹ عدالت میں پیش ہوئے	 فوٹوفائل

رانا ثناءاللہ کی جانب سے فرہاد علی شاہ ایڈووکیٹ عدالت میں پیش ہوئے فوٹوفائل

لاہور: منشیات برآمدگی کیس میں سابق وزیرقانون رانا ثنا اللہ کی حاضری سے معافی کی درخواست منظور کرلی گئی۔

انسداد منشیات کی خصوصی عدالت میں سابق وزیر قانون رانا ثنااللہ کے خلاف کیس کی سماعت ہوئی، جج شاکر حسن نے کیس پر سماعت کی۔ رانا ثناءاللہ کی جانب سے فرہاد علی شاہ ایڈووکیٹ عدالت میں پیش ہوئے۔

درخواست گزار نے عدالت سے استدعا کرتے ہوئے کہا رانا ثنا اللہ قومی اسمبلی کے سیشن میں جا رہے ہیں لہذا وہ قومی اسمبلی کے سیشن میں شرکت کے باعث عدالت میں پیش نہیں ہوسکتے۔ عدالت رانا ثناءاللہ کی حاضری معافی کی درخواست منظور کرے۔

عدالت نے رانا ثنااللہ کی حاضری معافی کی درخواست منظور کرتے ہوئے سماعت 11 جولائی تک ملتوی کردی۔ یاد رہے کہ رانا ثنااللہ پر 15 کلو منشیات برآمد ہونے کا الزام ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔