- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
سندھ میں بلدیاتی الیکشن، قوانین میں خامیاں دور نہ ہوسکیں، شیڈول کا اعلان آج بھی ناممکن
کراچی: سندھ میں بلدیاتی انتخابات کے قوانین میں خامیوں کی درستی نہ ہونے کے باعث آج (پیر کو) انتخابی شیڈول کے اجراکا امکان نہیں ہے۔
سیاسی جماعتوں کی جانب سے عدالت میںبلدیاتی حلقہ بندیوں کو چیلنج کرنے کے بعد مختلف اضلاع میں 18 جنوری کو بلدیاتی انتخابات کا انعقاد سوالیہ نشان بن گیا ہے۔ اگر 2 سے 3 روز میں انتخابی شیڈول جاری نہ ہوسکا تو مقررہ مدت کو بلدیاتی انتخابات کے انعقاد میں مشکلات درپیش ہونگی، سپریم کورٹ کی دی گئی تاریخ پر انتخابات کے انعقاد کو یقینی بنانے کیلیے ایڈیشنل سیکریٹری الیکشن کمیشن شیرافگن اور لیگل آفیسر محمد نواز انتخابی قوانین میں سقم کی دوری کے حوالے سے قانونی تعاون فراہم کرنے کیلیے کراچی آچکے ہیں۔ دوسری جانب بلوچستان میں بلدیاتی انتخابات کے انعقاد کے بعد سندھ حکومت کافی دبائو میں آچکی ہے۔
ذرائع نے بتایا کہ سندھ حکومت کی سست روی کے باعث انتخابی قوانین میں درستی کا عمل پورا نہیں ہوسکا۔ ادھر سیکریٹری لوکل گورنمنٹ جاوید حنیف نے نمائندہ ایکسپریس کو بتایا کہ الیکشن رولز میں ترامیم پر کام ہورہا ہے، اس کی درستی میں کتنا وقت لگے گا ،اس بارے میں ابھی کچھ نہیں کہا جاسکتا۔ اگر عدالت کی جانب سے حلقہ بندیوں میں ترامیم کا حکمنامہ جاری ہوا ہے تو فوری تعمیل کی جائیگی۔ جاوید حنیف نے کہا کہ انتخابی رولز اور دیگر معاملات کو دیکھتے ہوئے پیر کو انتخابی شیڈول کے اجرا کا امکان نظر نہیں آتا۔
ایڈیشنل سیکریٹری الیکشن کمیشن شیر افگن نے نمائندہ ایکسپریس کو بتایا کہ انتخابی شیڈول پیر کو جاری ہوگا یا نہیں، اس کے بارے میں الیکشن کمیشن اسلام آباد ہی بہتر بتاسکتا ہے، وہ سندھ حکومت کو درپیش انتخابی قوانین میں درستی کیلیے کراچی آئے ہیں۔ انھوں نے کہا کہ بلدیاتی حلقہ بندیوں میں اگر کوئی قانونی خامی ہے تو یہ الیکشن کمیشن کا مسئلہ نہیں، سندھ حکومت جو بھی حد بندی تشکیل کرے،گی اس کے تحت الیکشن کمیشن مقررہ مدت میں انتخابات کا انعقاد کرانے کا اہل ہے۔ واضح رہے کہ 7دسمبر کو انتخابی شیڈول ملتوی کرنے کے بعد الیکشن کمیشن کی جانب سے سندھ حکومت کو قانونی تقاضے پورے کرنے کیلئے 8دسمبر کی ڈیڈ لائن دی گئی تھی تاکہ 9دسمبر(پیر) کو انتخابی شیڈول جاری کردیا جائے۔ ذرائع نے بتایا کہ سندھ حکومت کی جانب سے انتخابی قوانین میں درستی کا عمل سست روی کا شکار ہے جس کے باعث الیکشن کمیشن کو مشکلات کا سامنا ہے۔
ذرائع نے بتایا کہ الیکشن کمیشن نے سندھ کی صورتحال کو دیکھتے ہوئے اپنا ہوم ورک مکمل کرکے رکھا ہوا ہے ،جیسے ہی انتخابی قوانین سندھ لاء ڈیپارٹمنٹ سے منظور کیے جائیں گے، الیکشن کمیشن انتخابی شیڈول جاری کردیگا۔ انتخابی شیڈول میں تاخیر کے باعث الیکشن کمیشن کو انتخابی شیڈول کا ٹائم فریم محدود کرنا ہوگا، فارم جمع کرانے کیلیے کم دن کی مہلت یا اپیلوں کی تاریخ میں کمی کرنا پڑیگی اور امیدواروں کو انتخابی مہم کا عرصہ بھی کم ملے گا تاہم الیکشن کمیشن بیلٹ پیپرز کیلیے مقررہ مدت میں سمجھوتا نہیں کریگا۔ دوسری جانب سندھ ہائی کورٹ کی جانب سے نواب شاہ اور ٹنڈوالہیار میں حلقہ بندیوں کی درستی کیلیے سندھ حکومت کو ایک ہفتہ کی مہلت دی گئی ہے جبکہ ایم کیوایم کی جانب سے کراچی کی حلقہ بندیوں پر اعتراض کی سماعت منگل کو ہوگی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔