لاہور میں ڈکیتی کے دوران 20 سالہ لڑکی سے اجتماعی زیادتی

ویب ڈیسک  جمعرات 2 جولائ 2020
ڈاکو 10 ہزار روپے،موبائل اور بالیاں بھی لوٹ کر لے گئے۔

ڈاکو 10 ہزار روپے،موبائل اور بالیاں بھی لوٹ کر لے گئے۔

 لاہور: گجر پورہ میں ڈاکوؤں نے واردات کے دوران خاتون کمپاؤنڈر کو زیادتی کا نشانہ بنا دیا۔

پولیس کے مطابق کمپاؤنڈر کو کلینک بند کرکے گھر جاتے ہوئے 4 ڈاکوؤں نے روک لیا اور کھیتوں میں لے جاکر زبردستی ریپ کر دیا۔ ڈاکو 10 ہزار روپے،موبائل اور بالیاں بھی لوٹ کر لے گئے۔

آئی جی پنجاب شعیب دستگیر نے واقعے کا نوٹس لیتے ہوئے سی سی پی او لاہور سے فوری رپورٹ طلب کرلی۔

پولیس نے کارروائی کرتے ہوئے دو مشتبہ افراد کو حراست میں لے کر ڈی این اے ٹیسٹ کروانے کے لیے بھیج دیا۔ سی سی پی او لاہور ذوالفقار حمید کا کہنا ہے کہ واردات میں ملوث ملزمان کو کیفرکردار تک پہنچایا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔