پاکستان اور انگلینڈ کے درمیان سیریز کا شیڈول جاری

اسپورٹس رپورٹر  پير 6 جولائی 2020
ٹی ٹوئنٹی میچ 28 سے 30 اگست اور یکم ستمبر کو اولڈ ٹریفورڈ، مانچسٹر میں ہوں گے . فوٹو : فائل

ٹی ٹوئنٹی میچ 28 سے 30 اگست اور یکم ستمبر کو اولڈ ٹریفورڈ، مانچسٹر میں ہوں گے . فوٹو : فائل

پاکستان اور انگلینڈ کے مابین سیریز کا شیڈول جاری کردیا گیا ہے۔

شیڈول کے مطابق پہلا ٹیسٹ میچ 5 سے 9 اگست تک اولڈ ٹریفورڈ مانچسٹر میں کھیلا جائے گا جب کہ دوسرا ٹیسٹ 13 سے 17 اگست تک ایجز بائول ہیمپشائر میں ہوگا اور تیسرا ٹیسٹ میچ 21 سے 25 اگست تک ایجز بائول ہیمپشائر میں ہی کھیلا جائے گا۔

اس کے علاوہ ٹی ٹوئنٹی میچ 28 سے 30 اگست اور یکم ستمبر کو اولڈ ٹریفورڈ مانچسٹر میں ہوں گے۔ پاکستان ٹیم اس وقت ووسٹر میں ٹریننگ کر رہی ہے، کھلاڑی 14روزہ قرنطینہ  کی مدت پوری کرنے کے بعد 13 جولائی کو ڈربی میں ڈیرے ڈال دیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔