- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
محمد حفیظ نے بھی لفظوں سے کھیلنے کا گُر سیکھ لیا
شارجہ: ٹوئنٹی 20 کپتان محمد حفیظ نے بھی لفظوں سے کھیلنے کا گر سیکھ لیا، ان کا کہنا ہے کہ ہم نے بُرا پرفارم نہیں کیا بلکہ افغانستان بہت اچھا کھیلا، حریف بولرز نے ایسی بولنگ کی کہ ہم شاٹس کھیلنا ہی بھول گئے،حریف سائیڈکافی بہتر ہوچکی ہے۔
حفیظ نے ان خیالات کا اظہار واحد ٹوئنٹی 20 میچ کے بعد میڈیا سے بات چیت کے دوران کیا۔ پاکستان اس میچ میں شکست سے بال بال بچا تھا، حریف بولر دوالت زردران نے آخر میں نوبال کرکے گرین شرٹس کو فتح تک پہنچایا۔ پروفیسر کی عرفیت سے مشہور حفیظ یہ بات تسلیم کرنے کو تیار ہی نہیں کہ انکی انٹرنیشنل اسٹارز سے سجی ٹیم دراصل ناتجربہ کار افغان سائیڈ کے سامنے کھیل ہی نہیں پائی تھی، اس کیلیے 138 رنز کا ہدف ہی کوہ ہمالیہ بن گیا تھا۔ حفیظ نے کہا کہ میں اس کا کریڈٹ افغانستان کو دینا چاہوں گا جو میچ کو آخری اوور تک لے گیا، انھوں نے یہ مقام سخت محنت سے حاصل کیا، مجھے یقین ہے کہ اس میچ میں ان سے جو غلطیاں ہوئی ہیں، ان سے بھی سبق حاصل کیا ہوگا۔ افغانستان سے میچ میں حفیظ 37 بالز پر 42 رنز بناکر ٹاپ اسکورر رہے تھے، احمد شہزاد نے 35 جبکہ عمر اکمل نے 28 رنز بنائے۔ پاکستان نے آخری مرتبہ شارجہ میں ہی گذشتہ برس افغانستان سے ایک ون ڈے انٹرنیشنل کھیلا تھا۔
جس میں اسے 7 وکٹ سے فتح حاصل ہوئی تھی۔ حفیظ کا کہنا ہے کہ میں یہ بات پورے یقین سے کہہ سکتا ہوں کہ افغانستان کی ٹیم اب کافی بہتر ہوچکی، انھوں نے وہ اسکور بنایا جو انھیں درکارتھا اور پھر بولنگ بھی اتنی منظم کی کہ آخری چند اوورز میں ہم سے بڑے شاٹس بھی نہیں لگ رہے تھے۔ حفیظ نے اپنی ٹیم کی خراب کارکردگی پر افغان سائیڈ کی تعریف کرکے پردہ ڈالنے کی کوشش تو ضرور کی مگر اس بات کا انھیں احساس ہے کہ ایسی پرفارمنس سری لنکا سے سیریز میں مشکلات کھڑی کرسکتی ہے۔ انھوں نے کہا کہ ہم زیادہ رنز نہیں بناسکے مگر آئی لینڈرزکیخلاف زیادہ بہتر پرفارم کرنا ہوگا۔ یاد رہے کہ افغانستان کی آخری میں فیلڈنگ قدرے کمزور تھی اگر رن آؤٹ کے مواقع ضائع نہ کیے جاتے تو پاکستان کا جیتنا ناممکن ہوسکتا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔