- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
ٹماٹر کی قلت پھر سراٹھانے لگی، ڈیڑھ ماہ میں قیمت دگنی ہوگئی
کراچی: پاکستان میں ایک بار پھر ٹماٹرکی قلت سر ابھارنے لگی، مقامی مارکیٹ میں ٹماٹر کی قیمت ڈیڑھ ماہ کے دوران دگنی ہوگئی اور خوردہ سطح پر ٹماٹر 70 تا 80 روپے کلو میں فروخت ہونے لگا۔
اطلاعات کے مطابق بھارت سے تجارت معطل ہونے کی وجہ سے ٹماٹر کی طلب پوری کرنے کے لیے ایران سے ٹماٹر درآمد کیا جارہا ہے۔ ایرانی ٹماٹر درآمد کرنے والے تاجرں کا کہنا ہے کہ ایران سے ٹماٹر کی درآمد کے لیے پرانی تاریخ میں امپورٹ پرمٹ جاری کیے جارہے ہیں جس پر فی ٹرک 60 سے 70 ہزار روپے وصول کیے جارہے ہیں جس سے ایرانی ٹماٹر کی قیمت بھی بڑھ گئی ہے۔
ٹماٹر کی قیمت 300 روپے سے تجاوز کرجانے کے بعد وفاقی حکومت نے نومبر 2019ء کے وسط میں ٹماٹر کی مقامی سطح پر قلت کے پیش نظر ایک ماہ کے لیے ایران سے ٹماٹر کی اجازت دی تھی۔ اس اجاز ت کی مدت دسمبر کے وسط میں ختم ہوگئی ہے تاہم اس اجازت نامے کو جواز بناکر اب بھی پرانی تاریخوں میں ایران سے ٹماٹر کی درآمد کے لیے امپورٹ پرمٹ جاری کیے جارہے ہیں۔
درآمد کنندگان کے مطابق ایران سے غیرقانونی درآمد شدہ ٹماٹر مہنگا ہونے کے ساتھ حکومت کو بھی ڈیوٹی ٹیکسز میں نقصان کا سامنا ہے۔ ایران سے ٹماٹر کی غیرقانونی درآمد گزشتہ ماہ کے آخری ہفتے سے زور پکڑ گئی ہے اور یومیہ درجنوں ٹریلرز اور ٹرک سرحد پار کرکے پاکستان میں داخل ہورہے ہیں۔
درآمد کنندگان نے وفاقی وزارت تجارت اور نیشنل فوڈ سیکورٹی سے مطالبہ کیا ہے کہ کسٹم کے ریکارڈ کی جانچ کرکے پرانی تاریخوں میں جاری ہونے والے امپورٹ پرمٹ کے اجراء کے ذمہ داروں کے خلاف کارروائی کی جائے۔
امپورٹ آرڈر کے بغیر درآمد ٹماٹر کی کھیپ کلیئر نہ کرنے کا حکم
دریں اثنا وفاقی وزارت نیشنل فوڈ سیکیورٹی اینڈ ریسرچ نے ایران سے ٹماٹر کی غیرقانونی درآمد کا نوٹس لیتے ہوئے اسسٹنٹ کلکٹر این ایل سی ڈرائی پورٹ کوئٹہ کو امپورٹ پرمٹ کے بغیر درآمد ہونے والی ٹماٹر کی کھیپ کو پاکستان میں داخلے کی اجازت نہ دینے اور کلیئر نہ کرنے کی ہدایت جاری کردی۔
وفاقی وزارت نے مراسلے میں کہا ہے کہ امپورٹ پرمٹ کے بغیر ٹماٹر کی امپورٹ پلانٹ کورنٹائن ایکٹ 1976ء کی خلاف ورزی ہے، ایران سے ٹماٹر کی غیرقانونی امپورٹ کو روکا جائے، اسسٹنٹ کلکٹر این ایل سی ڈرائی پورٹ امپورٹ پرمٹ کے بغیر درآمد ہونے والے ٹماٹر کی کوئی کھیپ پاکستان میں داخل نہ ہونے دیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔