ترقیاتی کاموں میں اب کوتاہی برداشت نہیں کی جائے گی، وزیراعلیٰ بلوچستان          

 کوئٹہ: وزیراعلیٰ بلوچستان جام کمال خان کا کہنا ہےکہ ترقیاتی کاموں میں کوتاہی برداشت نہیں کی جائے گی جب کہ کوتاہی پر اب تک 36 ایکسین اور80 انجینئرز معطل کیے ہیں۔ 

ایکسپریس نیوز کے مطابق وزیراعلیٰ بلوچستان نے نواں کلی بائی پاس کے تعمیراتی کام کا معائنہ کیا اور ترقیاتی کام کے معیار پر عدم اعتماد کا اظہار کیا۔

اس موقع پر انہوں نے کہا کہ ترقیاتی کاموں میں اب کوتاہی برداشت نہیں کی جائے گی، سڑکوں کی تعمیر معیار کے مطابق نہ ہوئی تو ٹھیکیدار کو بلیک لسٹ کیا جائے گا، غیر معیاری تعمیر پر متعلقہ ایکسین اور انجینئر کو بھی معطل کیا جائے گا جب کہ تعمیراتی کاموں میں کوتاہی پر اب تک 36 ایکسین اور80 انجینئر ز معطل کیے ہیں۔

جام کمال خان نے کہا کہ کوتاہیوں کو نظر انداز کرنا اب ماضی کا حصہ بن چکا ہے، ہر منصوبے کے ترقیاتی کام کا خود جائزہ لیتا ہوں۔