بینکوں کے اوقات کار میں اضافہ

اسٹاف رپورٹر  جمعرات 9 جولائ 2020
بینکاری کے ان نئے اوقات کار کا اطلاق 13 جولائی سے موثر بہ عمل ہوگا، اسٹیٹ بینک۔ فوٹو: فائل

بینکاری کے ان نئے اوقات کار کا اطلاق 13 جولائی سے موثر بہ عمل ہوگا، اسٹیٹ بینک۔ فوٹو: فائل

 کراچی: اسٹیٹ بینک آف پاکستان نے بینکوں کے اوقات کار بڑھانے کے احکامات جاری کردیئے، کورونا وائرس کے سبب بینک محدود اوقات کار کے لیے کھل رہے تھے۔

اس حوالے سے اسٹیٹ بینک نے جمعرات کو تمام بینکوں کے صدور کو سرکلر ارسال کیا ہے جس میں ہدایت دی گئی ہے کہ پیر سے جمعرات تمام بینکوں کی برانچیں صبح 9 بجے سے  شام 5:30 تک عوام کے لیے کھلی رہیں گی۔

سرکلر کے مطابق دوپہر ڈیڑھ بجے سے دو بجے تک لنچ ٹائم مقرر ہے جبکہ جمعہ کو بھی بینک صبح 9 بجے سے شام 5:30 بجے تک عوام کے لیے کھلے رہیں گے البتہ نماز جمعہ کے لیے دوپہر  01:00 تا 2:30 بجے وقفہ ہوگا۔

اسٹیٹ بینک آف پاکستان کے مطابق بینکاری کے ان نئے اوقات کار کا اطلاق 13 جولائی سے موثر بہ عمل ہوگا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔