پشین كے قریب مسافر ویگن الٹنے سے 3 افراد جاں بحق، 12 زخمی

اسٹاف رپورٹر  جمعـء 10 جولائی 2020
حادثے میں زخمی ہونے والے 5 افراد كی حالت تشویشناک ہے، اسپتال انتظامیہ . فوٹو : فائل

حادثے میں زخمی ہونے والے 5 افراد كی حالت تشویشناک ہے، اسپتال انتظامیہ . فوٹو : فائل

پشین: بلوچستان كے ضلع پشین كے قریب مسافر ویگن الٹنے سے 3 افراد جاں بحق اور 12 خمی ہوگئے جب کہ 5 كی حالت تشویشناک ہے۔

پشین كے علاقے خانوزئی گوال كے مقام پر ٹائر پھٹنے سے مسافر ویگن الٹ گئی جس كے نتیجے میں 3 افراد جاں بحق جب كہ 12 زخمی ہوگئے۔ حادثے کے بعد لاشوں اور زخمیوں كو فوری طور پر سول اسپتال كوئٹہ منتقل كیا گیا جہاں ضابطے كی كارروائی كے بعد لاشیں ورثاء كے حوالے كردی گئیں۔

ایم ایس ڈاكٹر فضل الرحمان بگٹی كے مطابق حادثے كے فوراً بعد سول اسپتال كوئٹہ میں ایمرجنسی نافذ كر كے طبی عملے كو طلب كیا گیا ہے، حادثے میں زخمیوں كو اسپتال لایا گیا جہاں انہیں ابتدائی طبی امداد فراہم كرنے كے بعد متعلقہ وارڈز میں منتقل كردیا گیا۔

اسپتال انتظامیہ كے مطابق حادثے میں زخمی ہونے والے 5 افراد كی حالت تشویشناک ہے جب کہ حادثے میں جاں بحق ہونے والوں كی شناخت محمد علی، محمد اخلاص قریشی اور شاہ محمد كے ناموں سے ہوئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔