کورونا سے نمٹنے کیلیے پاکستان کی پالیسی کوعالمی پذیرائی مل رہی ہے، عاصم باجوہ

 اسلام آباد: وزیر اعظم کے معاون خصوصی برائے اطلاعات اور سی پیک اتھارٹی کے چیئرمین لیفٹیننٹ جنرل (ر) عاصم سلیم باجوہ نے کہا ہے کہ کورونامیں سماجی صورت حال سے متعلق پاکستان کی موثرپالیسی کوپذیرائی مل رہی ہے۔  

عاصم سلیم باجوہ نے بین الاقوامی فلاحی ادارے اوکسفیم کی جاری کردہ رپوٹ سے متعلق خبر کو ری ٹوئٹ کرتے وہے کہا کہ پاکستان نے کوروناوبامیں زندگی اور ذریعہ معاش کیلئے متوازن پالیسی اپنائی ہے۔ کورونامیں سماجی صورتحال سے متعلق پاکستان کی موثرپالیسی کوپذیرائی مل رہی ہے۔ وباسے نمٹنے کی ملکی پالیسی کی عالمی سطح پرحمایت اس کاواضح ثبوت ہے۔ قوم نے ثابت کیا وہ مہلک وباکوشکست دینے کے لئے پر عزم ہے۔

Pakistan’s consistent policy of balancing life and livelihood endorsed. While the world seeks to enviously emulate Pakistan, our response stands vindicated. Our nation proves resilient as they adapt to beat back the menace https://t.co/wjW37nyNRJ

— Asim Saleem Bajwa (@AsimSBajwa) July 10, 2020

واضح رہے کہ اوکسفیم کی مذکورہ رپورٹ میں کہا گیا ہے کورونا وائرس کے پھیلاؤ سے عالمی سطح پر بھوک اور افلاس میں اضافہ ہوا ہے اور وبا کے باعث پھیلنے والی بھوک وائرس سے زیادہ مہلک ثابت ہوگی۔ رپورٹ میں بتایا گیا ہے کہ کورونا وائرس سے 12 کروڑ 20 لاکھ افراد بھوک اور افلاس کا شکار ہوں گے۔ رپورٹ میں کہا گیا ہے کہ ’’بھوک کا وائرس‘‘ یومیہ 12 ہزار افراد کی جان لے رہا ہے جب کہ تاحال وبا کی یومیہ بلند ترین شرح اموات 10 ہزار سے زائد نہیں ہوئی ہے۔