- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، قاضی فائز عیسیٰ
- چوتھا ٹی ٹوئنٹی: پاکستان کا نیوزی لینڈ کے خلاف ٹاس جیت کر فیلڈنگ کا فیصلہ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
سلیم ملک اورکنیریا کے لیے نو لفٹ کا بورڈ نصب
لاہور: پی سی بی نے دانش کنیریا اور سلیم ملک کو نو لفٹ کا بورڈ دکھا دیا، لیگ اسپنرسے کہا گیا ہے کہ سزا دینے والے انگلش کرکٹ بورڈ سے رابطہ کریں، سابق کپتان سے ایک بار پھراپریل 2000 کے ٹرانسکرپٹ کا جواب دینے کا مطالبہ کردیا،سلیم ملک کا کہنا ہے کہ اپنے وکیل کی مشاورت سے ردعمل دوں گا۔
تفصیلات کے مطابق دانش کنیریا اور سلیم ملک نے اپنے الگ الگ کیسز پیش کرتے ہوئے کرکٹ کے دروازے کھولنے کی درخواست کردی تھی، گذشتہ روز جواب میں دانش کنیریا سے کہا گیا کہ کہ میرن ویسٹ فیلڈ کو 2009میں فکسنگ کی ترغیب دینے پر آپ کو انگلش بورڈ کے ڈسپلن کمیشن نے تاحیات پابندی کی سزا دی، اپیل پینل کے بعد لندن میں ہائیکورٹ کے کمرشل بینچ اور سول ڈویڑن کی عدالت میں اپیلزکو مسترد کر دیا گیا، پی سی بی کا بحالی پروگرام سزا کی مدت کے اختتام پر پیش کیا جاتا ہے، تاحیات پابندی والوں کو نہیں، آپ کو سزا ای سی بی کی جانب سے دی گئی۔
تمام ممبرز اس پر عمل کے پابند ہیں، ای سی بی کوڈ کی شق نمبر 6.8 کے تحت دوبارہ کھیل کی اجازت دینے کا اختیار صرف اسی اینٹی کرپشن ٹربیونل کے پاس ہے جس نے فیصلہ سنایا تھا، لہٰذا اس معاملے پر ای سی بی سے رجوع کریں۔ دوسری جانب پی سی بی نے سابق کپتان سلیم ملک کی درخواست کا جواب دیتے ہوئے کہاکہ وہ آئی سی سی کی جانب سے فراہم کردہ اپریل 2000 کے ٹرانسکرپٹ کا جواب دینے میں ناکام رہے۔
اس پس منظر میں پی سی بی اس وقت تک مزید کارروائی نہیں کر سکتا جب تک آپ اس معاملے پر جواب نہیں دے دیتے، ٹرانسکرپٹ کا جواب دینے سے انکار اور اجتناب اس اعتراف کو تبدیل نہیں کرسکتا جو آپ نے 5 مئی 2014 کو اس وقت کے چیئرمین پی سی بی کے نام خط میں لکھتے ہوئے کہا تھا کہ اپنی غلطی قبول کرنے کے لیے تیار،شائقین سے معافی مانگتا اور ری ہیب کے عمل کو شروع کرنا چاہتا ہوں، آئی سی سی اور پی سی بی کے ساتھ مکمل تعاون کرنے کو تیار ہوں۔ دوسری جانب سلیم ملک کا کہنا ہے کہ میں اپنے وکیل کی مشاورت سے ردعمل دوں گا۔
سلیم ملک کے ساتھ میرے کیس کو ملایا تو قانونی چارہ جوئی کروں گا،کنیریا
دانش کنیریا کا کہنا ہے کہ میرے معاملے کو سلیم ملک کیس کے ساتھ نہ ملایا جائے،سماجی رابطوں کی ویب سائٹ پر اپنے ویڈیو پیغام میں سابق لیگ اسپنر نے کہاکہ پی سی بی کو جو خط لکھا تھااس کا جواب موصول ہوگیا، قانونی مشاورت کے بعد ردعمل دوں گا، میرا کیس سلیم ملک سے بالکل مختلف ہے، اس کا میچ فکسنگ یا اسپاٹ فکسنگ سے کوئی تعلق نہیں،اگر کسی نے اسے سلیم ملک کیس سے ملایا تو اس کیخلاف قانونی چارہ جوئی کروں گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔