پی ٹی آئی رہنما حلیم عادل شیخ کے خلاف نیب تحقیقات شروع

اسٹاف رپورٹر  ہفتہ 11 جولائ 2020
حلیم عادل شیخ نے سرکاری زمین کا کمرشل استعمال کیا تھا، ذرائع۔ فوٹو: فائل

حلیم عادل شیخ نے سرکاری زمین کا کمرشل استعمال کیا تھا، ذرائع۔ فوٹو: فائل

 کراچی: نیب نے پی ٹی آئی رہنما حلیم عادل شیخ کے خلاف انکوائری کا آغاز کردیا۔

ذرائع کے مطابق نیب نے ڈپٹی کمشنر ملیر کو خط لکھا ہے جس میں 253 ایکڑ سرکاری زمین کی غیر قانونی فروخت سے متعلق ریکارڈ طلب کیا گیا ہے۔ اس تناظر میں حلیم عادل شیخ کے فارم ہاؤسز سمیت دیگر دستاویزات بھی طلب کی گئی ہیں۔ ذرائع کے مطابق قبل ازیں اینٹی کرپشن ڈپارٹمنٹ بھی حلیم عادل شیخ کے خلاف تحقیقات مکمل کرچکا ہے۔

ذرائع کے مطابق حلیم عادل شیخ نے سرکاری زمین کا کمرشل استعمال کیا تھا، ڈپٹی کمشنر ملیر کو 27 جولائی تک تمام ریکارڈ جمع کروانے کی ہدایات دی گئی ہیں جبکہ مذکورہ معاملے پر نیب نے اینٹی کرپشن سے بھی شواہد طلب کیے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔