جنوبی افریقا میں چرچ پر حملے میں 5 افراد ہلاک

ویب ڈیسک  اتوار 12 جولائی 2020
40 حملہ آوروں کو گرفتار کرکے چرچ سے یرغمال افراد کو بھی بازیاب کروالیا گیا ہے، پولیس۔ فوٹو : فائل

40 حملہ آوروں کو گرفتار کرکے چرچ سے یرغمال افراد کو بھی بازیاب کروالیا گیا ہے، پولیس۔ فوٹو : فائل

جوہانسبرگ: جنوبی افریقا میں چرچ پر مسلح افراد کے حملے میں 5 افراد ہلاک ہوگئے۔

پولیس کے مطابق جوہانسزبرگ کے مضافات میں واقع چرچ میں مسلح گروپ نے حملہ کیا جس کے نتیجے میں 5 افراد ہلاک ہوگئے جب کہ چرچ میں موجود باقی افراد کو یرغمال بنالیا گیا، پولیس نے فوراً کارروائی کرتے ہوئے چرچ سے خواتین اور بچوں سمیت کئی یرغمال افراد کو بازیاب  کروایا اور 40 حملہ آوروں کو گرفتار کرکے اسلحہ بھی برآمد کرلیا ہے۔

پولیس کے مطابق حملے کی وجہ چرچ کی قیادت سے جڑا تنازع ہے جو  2016 میں چرچ کے لیڈر کے انتقال کے بعد سے چلا آرہا ہے جب کہ چرچ سے گرفتار کیے جانے والے افراد کا تعلق ساؤتھ افریقن نیشنل ڈیفنس فورس اور جوہانسزبرگ پولیس سے ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔