پاکستان ان خوش نصیب ممالک میں شامل ہے جہاں کورونا کیسز کی تعداد کم ہے، وزیراعظم

اسلام آباد: وزیراعظم عمران خان نے کہا ہے کہ پاکستان ان خوش نصیب ممالک میں شامل ہے جہاں کورونا کیسز کم ہوئے ہیں۔ 

سماجی رابطے کی ویب سائٹ پر ٹوئٹ کرتے ہوئے ایک پیغام میں وزیراعظم عمران خان نے کہا کہ پاکستان ان خوش نصیب ممالک میں شامل ہے جہاں کوویڈ 19 کیسز کم ہوئے، بدقسمتی سے ہمسایہ ملک بھارت میں کیسز بڑھے ہیں۔

I urge the nation to continue observing SOPs essential to sustain our positive trend. Eid ul Azha must be celebrated with simplicity so as not to repeat what happened last Eid when SOPs were ignored & our hospitals were choked. I am ordering strict implementation of govt SOPs.

— Imran Khan (@ImranKhanPTI) July 17, 2020

وزیراعظم نے کہا کہ ہمارے ہاں اسپتالوں میں کیسز اور ڈیٹھ ریٹ بھی کم ہوا ہے، یہ سب سمارٹ لاک ڈاؤن اور ایس او پیز کے باعث ممکن ہوا۔ انہوں نے قوم سے اپیل کی کہ ایس او پیز پر عملدرآمد جاری رکھیں اور عیدالاضحیٰ سادگی سے منائیں، گزشتہ عید کی طرح ایس او پیز کی خلاف ورزی مت کریں، انتظامیہ ایس او پیز پر سختی سے عملدرآمد کروائے۔