وزیراعظم نے جس عزم سےکورونا کا مقابلہ کیا وہ ان کی صلاحیتوں کا ثبوت ہے، شبلی فراز

 اسلام آباد: وفاقی وزیر اطلاعات و نشریات شبلی فراز کا کہنا ہے کہ وزیراعظم عمران خان نے جس عزم اور ثابت قدمی سے کورونا کا مقابلہ کیا وہ ان کی بہترین قائدانہ صلاحیتوں کا واضح ثبوت ہے۔

اپنی ٹوئٹ میں شبلی فراز نے کہا کہ وزیراعظم عمران خان نے محدود وسائل اور صحت کے کمزور نظام کے باوجود جس عزم اور ثابت قدمی سے کورونا کا مقابلہ کیا، وہ ان کی بہترین قائدانہ صلاحیتوں کا واضح ثبوت ہے۔

شبلی فراز نے کہا کہ وزیراعظم عمران خان نے عوام کی جان اور روزگار بچانے بنانے کی متوازن پالیسی اختیار کی، کورونا سے نمٹنے میں این سی او سی اور احساس پروگرام کامیابی کے دو موثر ہتھیار ثابت ہو رہے ہیں۔