سانحہ راولپنڈی:عدالتی ٹربیونل نے انکوائری کا طریقہ کار طے کرلیا

قیصر شیرازی  بدھ 11 دسمبر 2013
جسٹس مامون الرشید شیخ کی سربراہی میں قائم جوڈیشل ٹربیونل نے تمام گواہان کی فہرستیں تیار کر لی ہیں۔ فوٹو: فائل

جسٹس مامون الرشید شیخ کی سربراہی میں قائم جوڈیشل ٹربیونل نے تمام گواہان کی فہرستیں تیار کر لی ہیں۔ فوٹو: فائل

راولپنڈی: سانحہ راولپنڈی کی انکوائری کرنے والے عدالتی ٹربیونل نے انکوائری کی باضابطہ طور پر کارروائی شروع کرنے کا طریقہ کار بھی طے کر لیا ہے۔

جسٹس مامون الرشید شیخ کی سربراہی میں قائم جوڈیشل ٹربیونل نے تمام گواہان کی فہرستیں تیار کر لی ہیں ،گزشتہ روز تنظیم تحفظ عزاداری کے چئیرمین اصغر مبارک ایڈووکیٹ کی طرف سے ٹربیونل میں ایک پٹیشن دائر کی گئی ہے جس میں موقف اختیار کیا گیا ہے کہ سانحہ راولپنڈی کے اصل54 عینی شاہدین کو پولیس نے ملزم بنا کر گرفتار کر کے جیل بھیج دیا ہے اصل حقائق یہی بتا سکتے ہیں انھیں بیان دینے کے لیے جیل سے طلب کیا جائے اور گواہان کو تحفظ فراہم کرنے کی بھی استدعا کی گئی ہے ٹربیونل میں بیانات ریکارڈکرنے کا سلسلہ پیر16 دسمبر سے شروع ہونے کا امکان ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔