اوپن مارکیٹ میں ڈالر 168 روپے کا ہوگیا

اسٹاف رپورٹر  جمعرات 23 جولائ 2020
انٹربینک مارکیٹ میں ڈالر کی قدر 10 پیسے بڑھ کر 167 روپے 73 پیسے کی سطح پر پہنچ گئی (فوٹو : فائل)

انٹربینک مارکیٹ میں ڈالر کی قدر 10 پیسے بڑھ کر 167 روپے 73 پیسے کی سطح پر پہنچ گئی (فوٹو : فائل)

 کراچی: زرمبادلہ کی دونوں مارکیٹوں میں جمعرات کو امریکی ڈالر کی قدر اتار چڑھاؤ کے بعد ملے جلے رحجان سے دوچار رہی۔

کاروبار کے آغاز پر انٹربینک مارکیٹ میں ڈالر کی قدر 10 پیسے بڑھ کر 167 روپے 73 پیسے کی سطح پر پہنچ گئی تھی لیکن کاروبار کے اختتام پر ڈالر کے انٹربینک نرخ 1 پیسے گھٹ کر 167 روپے 62 پیسے پر بند ہوئے۔

اس کے برعکس اوپن کرنسی مارکیٹ میں ڈالر کی قدر 10 پیسے اضافے کے ساتھ 168 روپے پر بند ہوئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔