برٹش ایئرویزکاپاکستان کےلیے فضائی آپریشن دوبارہ بحال کرنےکافیصلہ

ویب ڈیسک  منگل 28 جولائ 2020
برٹش ایئرویز اگست سے پاکستان کا فضائی آپریشن دوبارہ شروع کرے گی

برٹش ایئرویز اگست سے پاکستان کا فضائی آپریشن دوبارہ شروع کرے گی

 اسلام آباد: برٹش ایئرویزنے اگلے ماہ سے پاکستان کےلیے فضائی آپریشن دوبارہ بحال کرنےکافیصلہ کیا ہے۔

ذرائع کے مطابق ‏برٹش ایئرویز اگست سے پاکستان کا فضائی آپریشن دوبارہ شروع کرے گی۔ ‏برطانوی کمپنی ہیتھروسےاسلام آباد کے لیے ہفتے میں 3 پروازیں آپریٹ کرےگی۔

برٹش ایئرویز نے پاکستانی حکام سے اس حوالے سے انتظامات مکمل کرنےکی یقین دہانی کرانےکی درخواست کی ہے اور اسلام آباد ایئرپورٹ منیجرسےانتظامات کی تفصیلات بھی مانگ لی ہیں۔ برٹش ایئرویز نے کہا کہ ‏جہازکےلیےفکس بریجزمحفوظ ہونےکی تصدیق کی جائے۔

واضح رہے کہ برٹش ایئرویزنےکورونا کے باعث پاکستان کا فضائی آپریشن بند کر رکھا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔