پاکستان کوورلڈ بینک سے 50 کروڑ55 لاکھ ڈالرموصول

بزنس رپورٹر  بدھ 29 جولائ 2020
زرمبادلہ کے ذخائر 19 ارب 50 کروڑ ڈالر کی سطح پر پہنچ گئے، ترجمان اسٹیٹ بینک
 فوٹو: فائل

زرمبادلہ کے ذخائر 19 ارب 50 کروڑ ڈالر کی سطح پر پہنچ گئے، ترجمان اسٹیٹ بینک فوٹو: فائل

کراچی:  اسٹیٹ بینک آف پاکستان کو ورلڈ بینک سے 50 کروڑ 55 لاکھ ڈالر موصول ہو گئے۔

اسٹیٹ بینک کے ترجمان نے ورلڈ بینک کی جانب سے رقم موصول ہونے کی تصدیق کی ہے، دوسری جانب ورلڈ بینک سے 50 کروڑ 55 لاکھ ڈالرز موصول ہونے کے بعد زرمبادلہ کے ذخائر 19 ارب 50 کروڑ ڈالرز کی سطح پر پہنچ گئے ہیں جبکہ ڈالر کے مقابلے میں روپے کی قدر میں بہتری کا بھی امکان ہے۔

دریں اثنا عالمی بینک سے پاکستان کو 50 کروڑ 50 لاکھ ڈالر موصول ہونے کے بعد ملکی زرمبادلہ کے ذخائر ساڑھے 19 ارب ڈالر سے تجاوز کرنے سے ملک میں ڈالر کی رسد بڑھنے کے باعث زرمبادلہ کی دونوں مارکیٹوں میں منگل کو بھی پاکستانی روپے کے مقابلے میں امریکی ڈالر کی قدر کو تنزلی کا سامنا رہا جس سے انٹربینک مارکیٹ میں ڈالر کی قدر مزید 42 پیسے کی کمی سے 166 روپے 45 پیسے کی سطح پر بند ہوئی ۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔