- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
فضائی آلودگی کورونا وائرس سے بھی زیادہ ہلاکت خیز ہے، ماحولیاتی ماہرین
شکاگو: ماحول سے متعلق جاری ہونے والی ایک تازہ رپورٹ میں مسلسل بڑھتی ہوئی فضائی آلودگی کو دنیا بھر میں تمام انسانوں کےلیے سب سے بڑا خطرہ قرار دیا گیا ہے۔ اس رپورٹ میں یہ بھی بتایا گیا ہے کہ آلودگی کی وجہ سے اس سیارہ زمین پر بسنے والے ہر مرد، ہر عورت اور ہر بچے کی اوسط عمر 2 سال کم ہوچکی ہے۔
’’ایئر کوالٹی لائف انڈیکس‘‘ (اے کیو ایل آئی) نامی اس رپورٹ میں زور دیا گیا ہے کہ کورونا وبا سے نمٹنے کےلیے جس طرح دنیا بھر میں ہنگامی بنیادوں پر کام ہورہا ہے، اس سے کہیں زیادہ ہنگامی طور پر ماحولیاتی تحفظ اور فضائی آلودگی میں کمی پر کام کرنے کی ضرورت ہے۔
مذکورہ رپورٹ میں فضائی آلودگی کا موازنہ، کورونا وائرس کی حالیہ وبا سے موازنہ کرتے ہوئے یہ بھی بتایا گیا ہے کہ کوئی بھی وائرس یا جرثومہ ہمارے لیے فضائی آلودگی سے زیادہ خطرناک اور ہلاکت خیز نہیں کیونکہ یہ ایک طرف تو ہر سال لاکھوں ہلاکتوں کی وجہ بنتی ہے تو دوسری جانب اسی فضائی آلودگی کے نتیجے میں سالانہ کروڑوں لوگ بیمار ہوجاتے ہیں۔
رپورٹ کے مطابق، چین میں اگرچہ گزشتہ بیس سال کے دوران فضائی آلودگی پر بڑی حد تک قابو پا لیا گیا ہے لیکن عالمی طور پر فضائی آلودگی میں اضافے کا رجحان برقرار ہے۔ اب کی بار زیادہ خطرہ ہندوستان اور بنگلا دیش میں ہے جہاں فضائی آلودگی کی وجہ سے اوسط انسانی عمر 5 سال کم ہوچکی ہے، جبکہ ہندوستان کی شمالی ریاستوں میں اوسط عمر 8 سال تک کم ہونے کا خطرہ ہے۔
بڑھتی ہوئی فضائی آلودگی کے تناظر میں خاص طور پر جنوبی ایشیا کے بارے میں تشویش کا اظہار کیا گیا ہے جہاں ہندوستان، بنگلا دیش، پاکستان اور نیپال میں دنیا بھر کی ایک چوتھائی انسانی آبادی رہائش پذیر ہے۔ رپورٹ مرتب کرنے والے ماہرین کا کہنا ہے کہ جنوبی ایشیا کی فضائی آلودگی 20 سال پہلے کے مقابلے میں 44 فیصد تک بڑھ چکی ہے جس کا مسلسل سامنا ہونے پر اس خطے میں اوسط عمر 5 سال تک کم ہوسکتی ہے۔
علاوہ ازیں، جنوب مشرقی ایشیا کے ممالک میں بھی جنگلوں اور فصلوں میں لگنے والی آگ نے گاڑیوں اور کارخانوں سے نکلنے والے دھوئیں کے ساتھ مل کر صورتِ حال کو بہت خطرناک بنا دیا ہے۔
واضح رہے کہ انسانی صحت پر فضائی آلودگی کے بارے میں برسوں سے پوری دنیا میں تحقیق کی جارہی ہے اور ماہرین بار بار تنبیہ کررہے ہیں کہ اگر اس رجحان پر قابو نہ پایا گیا تو نتائج ہماری توقعات سے کہیں زیادہ خطرناک اور ناقابلِ تلافی ہوسکتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔