اسلام آباد کے چڑیا گھر میں پنجرے میں آگ لگنے سے شیر ہلاک

ویب ڈیسک  جمعرات 30 جولائ 2020
چڑیا گھر میں بدانتظامی کے باعث اب تک 3 نیل گائے اور ایک شترمرغ مر چکے ہیں۔ فوٹو : فائل

چڑیا گھر میں بدانتظامی کے باعث اب تک 3 نیل گائے اور ایک شترمرغ مر چکے ہیں۔ فوٹو : فائل

 اسلام آباد: چڑیا گھر میں پنجرے میں آگ لگنے سے ایک شیر زندگی کی بازی ہارگیا۔

اسلام آباد میں مرغزار چڑیا گھر میں جانوروں کی منتقل کرنے کے دوران آگ لگنے سے شیر ہلاک ہوگیا، آگ لگنے کے باعث دم گھٹنے سے شیر کی حالت بگڑی اور کچھ دیر بعد وہ مرگیا۔ چڑیا گھر انتظامیہ کی نااہلی کے باعث اب تک 3 نیل گائے اور ایک شترمرغ مر چکے ہیں۔

واضح رہے کہ چڑیا گھر میں جانوروں کی مناسب دیکھ بال نہ ہونے کا کیس اسلام آباد ہائیکورٹ میں زیرسماعت ہے اور ہائی کورٹ نے جانوروں کی منتقلی کا حکم دیا تھا تاہم انتظامیہ نے نااہلی چھپانے کے لیے جانور  منتقل کرنے سے روک دیے تھے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔