پی آئی اے کا  برطانیہ سے پروازیں جزوی طور پر بحال کرنے  کا فیصلہ

طالب فریدی  جمعرات 30 جولائ 2020
تھے پی آئی اے کی پروازوں کے چلنے کے بعد کرائے واپس عام سطح پر آنے کی توقع ہے(فوٹو، فائل)

تھے پی آئی اے کی پروازوں کے چلنے کے بعد کرائے واپس عام سطح پر آنے کی توقع ہے(فوٹو، فائل)

 لاہور: پاکستان ایئر لائن  کے مسافر متبادل ذریعے سے براہ راست پاکستان اور لندن، مانچسٹر اور برمنگھم کے درمیان سفر کر سکیں گے  اس سلسلے میں تمام تیاریوں کو حتمی شکل دے دی گئی ہے۔

پی آئی اے کے ترجمان کے مطابق قومی ایئر لائن نے برطانیہ کے مختلف شہروں سے سفر کرنے والے مسافروں کے لئے متبادل ذریعے سے پروازیں چلانے کا فیصلہ کیا ہے۔

پی آئی اے نے اپنے مسافروں کو سہولیات فراہم کرنے کیلئے 14 اگست سے پروازوں چلانے کا فیصلہ کر لیا ہے۔ پی آئی اے کی پروازوں کی معطلی کے بعد دیگر ائیرلائنز نے کرائے غیر معمولی طور پر بڑھا دئیے تھے پی آئی اے کی پروازوں کے چلنے کے بعد کرائے واپس عام سطح پر آنے کی توقع ہے۔

ترجمان کے مطابق عید کے فورا بعد پروازوں کے اوقات کار سے متعلق اعلان کردیا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔