بیروت دھماکے پر ملکی اور غیر ملکی فنکاروں کا اظہار افسوس

کراچی: لبنان کے دارالحکومت بیروت میں گزشتہ روز ہونے والے ہولناک دھماکے پر جہاں پوری دنیا افسوس کا اظہار کررہی ہے وہیں پاکستانی اور ترک اداکاروں نے بھی اس واقعے پر نہایت غم کا اظہار کیا ہے۔

اداکار ہمایوں سعید نے دھماکے کے بعد بیروت کی تباہی کے مناظر کی دلخراش تصویر شیئر کرتے ہوئے بیروت اور وہاں کے لوگوں کے لیے دعا کی اور خدا سے سب کو حفظ و امان میں رکھنے کی بھی دعا کی۔

Prayers for Beirut. May Allah protect us all pic.twitter.com/dnjzn3nGCZ

— Humayun Saeed (@iamhumayunsaeed) August 4, 2020

اداکارہ مہوش حیات نے بھی بیروت واقعے پر افسوس کا اظہار کرتے ہوئے کہا بیروت سے آنے والی تصاویر بہت ہی تباہ کن ہیں۔ میرا دل اور دعائیں حادثے میں متاثر ہونے والوں کے ساتھ ہیں۔

https://twitter.com/MehwishHayat/status/1290740268552069123

ڈراما سیریل ’ارطغرل غازی‘ کے مرکزی اداکار اینگن التان دزیاتن نے بھی بیروت واقعے پر افسوس کا اظہار کیا اور متاثرین کے لیے دعا کی۔

https://twitter.com/eadksk/status/1290768464764960768

حلیمہ سلطان کے کردار سے مشہور ہونے والی ترک اداکارہ اسرا بلجک نےبیروت واقعے پر کہا کہ وہ صدمے میں ہیں ان کے پاس کہنے کے لیے الفاظ نہیں ہیں۔ اپنے ٹوئٹ میں اسرا بلجک نے بیروت دھماکے کے متاثرین سے اظہارتعزیت بھی کیا۔

https://twitter.com/esbilgic/status/1290758404441546756

اداکار فیصل قریشی نے بیروت میں ہونے والے خوفناک حادثے پر اظہار افسوس کیا اور متاثرین کے لیے دعا کی۔

Beirut! Frightening explosion!
Prayers!

— Faysal Quraishi (@faysalquraishi) August 4, 2020

واضح رہے کہ گزشتہ روز بیروت کی بندرگاہ  کے علاقے میں ہولناک دھماکا ہوا تھا جس کے نتیجے میں گردو نواح کے علاقے  لرز اٹھے تھے اور شہر کے مختلف علاقوں کی عمارتیں اور گاڑیاں تباہ ہوگئی تھیں۔ دھماکے میں اب تک 78 افراد کی ہلاکتوں کی اطلاعات موصول ہوئی ہیں جب کہ 4 ہزار سے زائد افراد زخمی ہیں۔