ڈی جی ساؤتھ ایشیا زاہد حفیظ چوہدری ترجمان دفتر خارجہ مقرر

ویب ڈیسک  بدھ 5 اگست 2020
زاہد حفیظ چوہدری وزارت خارجہ میں 26 سال سے خدمات سرانجام دے رہے ہیں. فوٹو:فائل

زاہد حفیظ چوہدری وزارت خارجہ میں 26 سال سے خدمات سرانجام دے رہے ہیں. فوٹو:فائل

 اسلام آباد: وزارت خارجہ نے زاہد حفیظ چوہدری کو ترجمان دفتر خارجہ مقرر کر دیا۔

دفترخارجہ کی جانب سے جاری ہونے والے بیان کے مطابق ڈی جی ساؤتھ ایشیا اور سارک زاہد حفیظ چوہدری کو ترجمان دفترخارجہ مقررکردیا گیا ہے، انہیں اس منصب پر ترجمان دفتر خارجہ عائشہ فاروقی کی جگہ تعینات کیا گیا ہے۔

زاہد حفیظ چوہدری وزارت خارجہ میں 26 سال سے خدمات سرانجام دے رہے ہیں، اور اس وقت وہ  وزارت خارجہ میں بطور ڈی جی ساوتھ ایشیا اور سارک تعینات تھے، جب کہ نئے ترجمان دفترخارجہ پاکستانی سفارتخانہ واشنگٹن اور لندن میں پاکستانی ہائی کمیشن میں خدمات انجام دے چکے ہیں، اور بطور ڈی جی افغانستان، ایران ، ترکی اور جوائنٹ سیکرٹری نیشنل سیکیورٹی بھی رہ چکے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔