زرمبادلہ کی دونوں مارکیٹوں میں ڈالر کے مقابلے میں روپے کی تنزلی

ویب ڈیسک  بدھ 5 اگست 2020
انٹربینک مارکیٹ میں ڈالر کی قدر میں 58 پیسے اوراوپن کرنسی مارکیٹ میں ڈالر کی قدر 60 پیسے بڑھی۔ فوٹو : فائل

انٹربینک مارکیٹ میں ڈالر کی قدر میں 58 پیسے اوراوپن کرنسی مارکیٹ میں ڈالر کی قدر 60 پیسے بڑھی۔ فوٹو : فائل

کراچی: ڈالر کے انٹربینک ریٹ دوبارہ 168 روپے سے تجاوز کرگیا۔

ایکسپریس نیوز کے مطابق برآمدی شعبوں کی جانب سے خام مال کے لیے نئی درآمدی ایل سیز کھلنے اور خام تیل کی عالمی قیمت بتدریج بڑھنے سے ملک درآمدی بل بڑھنے جیسے عوامل کے باعث زرمبادلہ کی دونوں مارکیٹوں میں بدھ کو بھی امریکی ڈالرکی نسبت پاکستانی روپے کی قدر تنزلی سے دوچار رہی، جس سے ڈالر کے انٹربینک ریٹ دوبارہ 168روپے سے تجاوز کرگیا۔

انٹربینک مارکیٹ میں بدھ کو اتارچڑھاؤ کے بعد ڈالر کی قدر مزید 58 پیسے کے اضافے سے 168 روپے 22 پیسے پربند ہوا، جب کہ اسی طرح اوپن کرنسی مارکیٹ میں ڈالر کی قدر 60 پیسے کے اضافے سے 168روپے 80 پیسے پر بند ہوا۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔