پی آئی اے کا یومِ آزادی پر کرایوں میں بڑی رعایت کا اعلان

ویب ڈیسک  جمعرات 6 اگست 2020
یوم آزادی پیکج میں  سامان کی مد میں بھی رعایت دی گئی ہے۔(فوٹو، فائل)

یوم آزادی پیکج میں سامان کی مد میں بھی رعایت دی گئی ہے۔(فوٹو، فائل)

کراچی: پاکستان ایئر لائنز (پی آئی اے)  نے یومِ آزادی کے موقعے پر کرایوں میں بڑی رعایت کا اعلان کر دیا ہے۔

ترجمان پی آئی اے کے مطابق 14 اگست جشن آزادی پیکج  کے طور پر کراچی، اسلام آباد اور لاہور کے درمیان کرائے میں 14 فی صد رعایت ہو گی۔

اس کے علاوہ سامان کی مد میں بھی غیر معمولی رعایت کا اعلان کیا گیا ہے۔ یوم آزادی کے پیکج میں مسافر73 کلو سامان اپنے ساتھ مفت لے جا سکیں گے۔ پی آئی اے کے جشن آزادی پیکج 7 اگست سے 14 اگست 2020 تک لاگو رہے گا۔

پی آئی اے کے ترجمان کا کہنا تھا کہ جشن آزادی پیکج کا مقصد اس تاریخی دن پر لوگوں میں خوشیاں بانٹنا ہے۔اس عظیم دن پی آئی اے قوم سے عہد کرنا چاہتی ہے کہ ہر مشکل وقت میں ہم اپنی قوم کے شانہ بشانہ کھڑے ہیں۔

علاوہ ازیں پی آئی اے نے ملتان، سکھر، گوادر سے یوم ازادی کے موقع پر فلائٹ آپریشن بحال کرنے کا بھی اعلان کر دیاہے۔13 اگست سے ملتان، سکھر اور گوادر کو پروازوں کے ذریعے ملک کے دیگر شہروں سے منسلک کردیا جائے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔