میڈیا ٹاک کے دوران عثمان بزدار کو فیاض الحسن چوہان کے نیب سے متعلق لقمے

ویب ڈیسک  پير 10 اگست 2020
’نیب کے خلاف نہیں بولنا‘، فیاض الحسن چوہان کی عثمان بزدار کو تجویز

’نیب کے خلاف نہیں بولنا‘، فیاض الحسن چوہان کی عثمان بزدار کو تجویز

 لاہور: وزیراعلیٰ پنجاب عثمان بزدار کی میڈیا سے گفتگو کے دوران صوبائی وزیراطلاعات انہیں لقمے دیتے رہے۔

وزیراعلیٰ پنجاب عثمان بزدار کے منصب سنبھالنے کے بعد سے ہی انہیں میڈیا سے گفتگو کے دوران صحافیوں کے سوال جواب کے دوران پیچھے سے کوئی نہ کوئی لقمے دیتا رہا ہے جو کئی بار کیمرے کی آنکھ نے بھی ریکارڈ کیا ہے تاہم گزشتہ روز صوبائی وزیر کی جانب سے انہیں نیب کے حوالے سے دیا گیا لقمہ مائیک میں آسانی سے سنا جاسکتا ہے۔

https://twitter.com/ZeshanMalick/status/1292461463672627201

گزشتہ روز وزیراعلٰی پنجاب عثمان بزدار کی میڈیا سے بات چیت کے دوران جب صحافی کی جانب سے نیب سے متعلق سوال پوچھا جارہا تھا اس دوران وزیراطلاعات پنجاب فیاض الحسن چوہان نے منہ پر ہاتھ رکھ کر کہا ’نیب کے خلاف نہیں بولنا‘ جو کمیرے اور مائیک نے ریکارڈ کرلیا۔

اس خبر کو بھی پڑھیں؛ وزیراعلیٰ پنجاب شراب کے غیر قانونی لائسنس جاری کرنے پر نیب طلب

واضح رہے وزیراعلیٰ پنجاب عثمان بزدار کی جانب سے ایک ہوٹل کو شراب کے غیر قانونی لائسنس جاری کرنے کے معاملے میں نیب نے 12 اگست کو طلب کررکھا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔