زرمبادلہ کی دونوں مارکیٹوں میں ڈالر تنزلی کا شکار

کراچی: منگل کے روز زرمبادلہ کی دونوں مارکیٹوں میں روپے کے مقابلے میں ڈالر کی قدر گرگئی۔ 

آرمی چیف جنرل قمر جاوید باجوہ سے پاکستان میں تعینات سعودی عرب کے ہائی آفیشلز کی ملاقات کے بعد دونوں ممالک کے درمیان تعلقات معمول پر آنے کی خبروں اور اس بہتری کے نتیجے میں سعودی عرب کی جانب سے پاکستان کے لیے کریڈٹ لائن میں بہتری کی توقعات پر منگل کو زرمبادلہ کی دونوں مارکیٹوں میں پاکستانی روپے کے مقابلے میں امریکی ڈالر کی قدر تنزلی سے دوچار رہی۔

کاروباری ہفتے کے دوسرے روز انٹربینک میں اتارچڑھاؤ کے بعد ڈالر کی قدر 12 پیسے کی کمی سے 168 روپے 26 پیسے پر بند ہوئی،  جب کہ اوپن کرنسی مارکیٹ میں ڈالر کی قدر 169روپے سے نیچے آگئی اور ڈالر کی قدر30 پیسے کی کمی سے 168 روپے 70 پیسے پربند ہوئی۔